ກອງປະຊຸມຄັ້ງທີ 3 ຂອງຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ
(vovworld) – ວັນທີ 17/7, ຢູ່ ຮ່າໂນ້ຍ, ທ່ານເລຂາທິການໃຫຍ່ ຫງວຽນຟູ໋ຈ້ອງ ເປັນປະທານກອງປະຊຸມຄັ້ງທີ 3 ຂອງຄະນະຊີ້ນຳສູນກາງ ກ່ຽວກັບການປ້ອງກັນ, ຕ້ານການສໍ້ລາດບັງຫຼວງ. ກອງປະຊຸມເພື່ອແນໃສ່ປຶກສາຫາລືໜ້າທີ່ວຽກງານ 6 ເດືອນທ້າຍປີ, ປະກອບຄຳເຫັນກ່ຽວກັບການຜັນຂະຫຍາຍການປະຕິບັດແຜນການກວດກາ, ຕິດຕາມກວດກາການສືບສວນ ສອບສວນ, ຟ້ອງສານ, ພິພາກສາ... ບັນດາກໍລະນີສໍ້ລາດບັງຫຼວງທີ່ຮ້າຍແຮງສັບສົນ, ປະກອບຄຳເຫັນກ່ຽວກັບການແກ້ໄຂບາງກໍລະນີສໍ້ລາດບັງຫຼວງທີ່ຮ້າຍແຮງ, ສັບສົນ, ເຊິ່ງໄດ້ຮັບຄວາມສົນໃຈຈາກຫາງສຽງ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈງວ່າ:
“ໃນ 6 ເດືອນຕົ້ນປີ, ຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ໄດ້ສືບທອດ, ເສີມຂະຫຍາຍບົດຮຽນຂອງຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງຊຸດກ່ອນ, ພະຍາຍາມປະຕິບັດວຽກງານ. ວຽກງານປ້ອງກັນຕ້ານການສໍ້ລາດບັງຫຼວງບັນລຸໄດ້ໝາກຜົນທີ່ຕັ້ງໜ້າ ທັງວຽກງານໂຄສະນາ, ກໍ່ສ້າງ, ປັບປຸງລະບຽບກົດໝາຍ, ພົບເຫັນ, ສືບສວນສອບສວນ, ຕິດຕາມ, ກວດກາ, ສັ່ງຟ້ອງ, ພິພາກສາ.”
ກ່ຽວກັບໜ້າທີ່ໃນ 6 ເດືອນທ້າຍປີ, ທ່ານເລຂາທິການໃຫຍ່ ຫງວຽນຟູ໋ຈ້ອງ ສະເໜີໃຫ້ຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງສືບຕໍ່ປັບປຸງລະບຽບກົດໝາຍກ່ຽວກັບການປ້ອງກັນ, ຕ້ານການສໍ້ລາດບັງຫຼວງຕາມຂໍ້ສະຫລຸບຂອງກອງປະຊຸມສູນກາງຄັ້ງທີ 5 (ຊຸດທີ 11). ວຽກງານໂຄສະນາ ກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ຄວນໄດ້ຮັບການຜັນຂະຫຍາຍຖືກຕາມການກຳນົດທິດ, ບໍ່ເຜີຍອອກບັນດາຂໍ້ມູນຂ່າວພວມໄດ້ຮັບການສືບສວນສອບສວນ, ແຕ່ກໍ່ບໍ່ປົກປິດບັນດາຂໍ້ຂາດຕົກບົກພ່ອງ, ສ້າງຄວາມໄວ້ເນື້ອເຊື່ອໃຈໃຫ້ແກ່ປະຊາຊົນ.