ວັນທີ 18 ເມສາ ຈະມາເຖິງ, ຢູ່ Abu Dhabi ຂຶ້ນກັບສະຫະລັດ ອາຣັບ ເອມີເລດ (UAE), ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ເຈິ່ນຕ໊ວນແອງ ຈະພ້ອມກັບທ່ານລັດຖະມົນຕີກະຊວງເສດຖະກິດ UAE Sultan bin Saeed Al Mansoori ເປັນປະທານຮ່ວມກອງປະຊຸມຄັ້ງທີ 4 ຄະນະກຳມະການລະຫວ່າງລັດຖະບານ ຫວຽດນາມ - UAE.

        ທີ່ກອງປະຊຸມ, ລັດຖະມົນຕີ 2 ທ່ານຈະກວດກາຄືນສະພາບການຮ່ວມມືຮ່ວມທຳທຸລະກິດ, ການລົງທຶນໃນຂົງເຂດນ້ຳມັນອາຍແກັດ, ພະລັງງານຜະລິດຄືນໃໝ່, ຫຼອມເຫຼັກ, ສ້ອມແປງກ່ຳປັ່ນ; ພ້ອມທັງຕີລາຄາສະພາບການເຈລະຈາ, ລົງນາມໃນບັນດາຂໍ້ຕົກລົງຮ່ວມມືກ່ຽວກັບພາສີ, ທະນາຄານ, ກະສິກຳ, ສົ່ງຜູ້ຮ້າຍຂ້າມຊາດ ແລະ ມອບສົ່ງຜູ້ຖືກລົງໂທດຈຳຄຸກ; ການເຄືີ່ອນໄຫວຂອງສາຍການບິນໂດຍກົງທີ່ມີຢູ່ແລ້ວລະຫວ່າງ 2 ປະເທດ…

        ກອງປະຊຸມແມ່ນໂອກາດທີ່ດີ ເພື່ອໃຫ້ບັນດາວິສາຫະກິດ ຫວຽດນາມ ໄດ້ພົບປະ, ປຶກສາຫາລື, ດຳເນີນການແລກປ່ຽນການຄ້າ, ຊອກຫາບັນດາກາລະໂອກາດຮ່ວມມືກັບບັນດາຄູ່ຮ່ວມມື UAE ໂດຍກົງ.