(vovworld) – ຕອນ​ບ່າຍ​ວັນ​ທີ 29/1, ຢູ່ ຮ່າ​​ໂນ​້ຍ, ສະພາ​ເລ​ືອກຕັ້ງ​ແຫ່ງ​ຊາດ​ໄດ້​ຈັດ​ກອງ​ປະຊຸມ​ຄັ້ງ​ທີ 2 ຢູ່​ສຳນັກງານ​ສະພາ​ແຫ່ງ​ຊາດ ​ໂດຍພາຍ​ໃຕ້​ກາ​ນ​ເປັນ​ປະທານ​ຂອງ​ປະທານ​ສະພາ​ແຫ່ງ​ຊາດ, ປະທານ​ສະພາ​​ເລືອກ​ຕັ້ງ​ແຫ່ງ​ຊາດ ຫງວຽນ​ຊິງ​ຮູ່ງ. ​ໃນ​ໄລຍະ​ຜ່ານ​ມາ, ສະພາ​​ເລືອກ​ຕັ້ງ​ແຫ່ງ​ຊາດ, ບັນດາ​ອະນຸ​ກຳ​ມະ​ການ​ຊ່ວຍ​ວຽກ, ຫ້ອງ​ການ​ສະພາ​ເລືອກ​ຕັ້ງ​ແຫ່ງ​ຊາດ ​ແລະ ບັນດາ​ອົງການ​ກ່ຽວຂ້ອງ​​ໄດ້​ປະຕິບັດ​ສຳ​ເລັດ​ການ​ປະກາດ​ໃຊ້​ບັນດາ​ເອກະສານ​ຊີ້​ນຳ ​ແລະ ​ແນະນຳ​ການ​ເລືອກ​ຕັ້ງ​ໂດຍ​ພື້ນຖານ, ຈັດ​ຕັ້ງ​ການ​ເຄື່ອນ​ໄຫວ​ສະໜອງ​ຂໍ້​ມູນ​ຂ່າວສານ, ​ໂຄສະນາ​ກໍ​ຄື​ຜັນ​ຂະຫຍາຍ​ບັນດາ​ວຽກ​ງານ​ກະກຽມ​ບຸກຄະລາ​ກອນ ​ແລະ ​ແກ້​ໄຂ​ການ​ຮ້ອງທຸກ, ກ່າວ​ຟ້ອງ, ວຽກ​ງານ​ຮັບປະກັນ​ຄວາມ​ສະຫງົບ, ຄວາມ​ເປັນ​ລະບຽບ​ຮຽບຮ້ອຍ​ຮັບ​ໃຊ້​ການ​ເລືອກ​ຕັ້ງ. ທີ່​ກອງ​ປະຊຸມ​ຄັ້ງ​ນີ້, ສະພາ​ເລ​ືອກຕັ້ງ​ແຫ່ງ​ຊາດ​ໄດ້​ສຸມ​ໃສ່​ປຶ​ກສາ​ຫາລື, ພິຈາລະນາ​ບົດ​ລາຍງານ​ສັງ​ລວມສະພາບ​ການຜັນ​ຂະຫຍາຍ​ວຽກ​ງານ​ກະກຽມ​ໃຫ້​ແກ່​ການ​ເລືອກ​ຕັ້ງສະມາ​ຊິກ​ສະພາ​ແຫ່ງ​ຊາດ​ຊຸດ​ທີ 14 ​ແລະ ສະມາຊິກ​ສະພາ​ປະຊາຊົນ​ທຸກ​ຂັ້ນ​ອາຍຸ​ການ 2016 – 2020 ​ແລະ ບາງ​ໜ້າ​ທີ່​ໃນ​ໄລຍະ​ຈະ​ມາ​ເຖິງ. ພິ​ເສດ, ສະພາ​​ເລືອກ​ຕັ້ງ​ແຫ່ງ​ຊາດ​ໄດ້​ພິຈາລະ​ນາ, ຮັບຮອງ​ເອົາ​ມະຕິ​ກຳນົດ​ລະອຽດ, ​ແນະນຳ​ປະຕິບັດ​ບາງມ​າ​ດຕາ​ຂອງກ​ົດໝາຍວ່າ​ດ້ວຍ​ການ​ເລື​ອກຕັ້ງ​ສະມາ​ຊິກສະພາ​ແຫ່ງ​ຊາດ ​ແລະ ສະມາຊິກ​ສະພາ​ປະຊາຊົນ.