ກ່າວຄຳເຫັນໄຂກອງປະຊຸມ, ທ່ານ Wolfgang Ischinger ປະທານ MSC ໄດ້ເນັ້ນຫນັກວ່າ ປະຈຸບັນ ໂລກບໍ່ພຽງແຕ່ຜ່ານຜ່າບັນດາວິກິດການໃຫຍ່ກວ່າ ແລະ ນ້ອຍກວ່າ ເທົ່ານັ້ນ ຫາກຍັງປະເຊີນຫນ້າກັບການຫັນທິດຂອງປະຫວັດສາດ. ທ່ານ Wolfgang ຮຽກຮ້ອງບັນດາຜູ້ເຂົ້າຮ່ວມກອງປະຊຸມເພີ່ມທະວີການສ້າງຄວາມໄວ້ເນື້ອເຊື່ອໃຈ ແລະ ຄວາມເຊື່ອໝັ້ນເຊິ່ງກັນ ແລະກັນ.

ກອງປະຊຸມຄວາມໝັ້ນຄົງ Munich ຄັ້ງນີ້ ໄດ້ເຕົ້າໂຮມບັນດາການນຳລັດ ແລະ ລັດຖະບານ ພ້ອມກັບບັນດາເຈົ້າຫນ້າທີ່ມີອິດທິພົນຊື່ສຽງອື່ນໃນວົງການການເມືອງ ແລະ ຄວາມໝັ້ນຄົງຂອງໂລກ. ກອງປະຊຸມຈະປຶກສາຫາລືຫລາຍບັນຫາ ຈາກການແກ້ງແຍ້ງ ແລະ ການຮ່ວມມືລະຫວ່າງບັນດາປະເທດມະຫາອຳນາດ, ອະນາຄົດຂອງ ສະຫະພາບເອີລົບ ແລະ ບັນຫາອື່ນໆອີກ. ກອງປະຊຸມຈະອັດລົງໃນວັນທີ 19 ກຸມພາ.