ບັນດາຜູ້ແທນເຂົ້າຮ່ວມກອງປະຊຸມ
ພາບ:dangcongsan
|
(vovworld)- ຕອນເຊົ້າວັນທີ 4/3 ຢູ່ ຮ່າໂນ້ຍ, ຄະນະບໍລິຫານງານສູນກາງພັກກອມມູນິດຫວຽດນາມ, ຄະນະຈັດຕັ້ງສູນກາງ ໄດ້ຈັດຕັ້ງກອງປະຊຸມທົ່ວຂະແຫນງຈັດຕັ້ງກໍ່ສ້າງພັກປີ 2017. ກອງປະຊຸມດຳເນີນໄປເພື່ອແນໃສ່ສະຫລຸບວຽກງານຈັດຕັ້ງກໍ່ສ້າງພັກປີ 2016, ຜັນຂະຫຍາຍຫນ້າທີ່ຈຸດສຸມປີ 2017 ຂອງທົ່ວຂະແຫນງຈັດຕັ້ງກໍ່ສ້າງພັກ. ກ່າວຄຳເຫັນທີ່ກອງປະຊຸມ, ທ່ານ ດີງເທຮີງ, ກຳມະການກົມການເມືອງ, ຜູ້ປະຈຳຄະນະເລຂາຖືວ່າ: ປີ 2017, ຂະແຫນງຈັດຕັ້ງກໍ່ສ້າງພັກສືບຕໍ່ເບິ່ງແຍງກໍ່ສ້າງພັກໃຫ້ປອດໃສ, ໝັ້ນຄົງເຂັ້ມແຂງກ່ຽວກັບດ້ານການເມືອງ, ແນວຄິດ, ຄຸນສົມບັດ, ກ່ຽວກັບການຈັດຕັ້ງພະນັກງານ, ວິທີການຊີ້ນຳນຳພາ ແລະ ແບບແຜນການດຳລົງຊີວິດ, ວິທີເຮັດວຽກ. ທ່ານ ດີງເທຮີງ ສະເຫນີ ເລືອກເຟັ້ນວຽກງານຕີລາຄາພະນັກງານເປັນຂອດບຸກທະລຸເພື່ອຜັນຂະຫຍາຍໃນປີ 2017.
“ສືບຕໍ່ເປັນເສນາທິການຫັນມະຕິກອງປະຊຸມໃຫຍ່ຄັ້ງທີ 12 ຂອງພັກໃຫ້ເປັນລະອຽດ ເພື່ອປະຕິບັດ 6 ຫນ້າທີ່ຈຸດສຸມ, 3 ບາດກ້າວບຸກທະລຸຍຸດທະສາດ ຕິດພັນກັບການປະຕິບັດມະຕິສູນກາງຄັ້ງທີ 4 ຊຸດທີ 12 ກ່ຽວກັບການກໍ່ສ້າງພັກ ແລະ ຄຳສັ່ງເລກ 05 ຂອງກົມການເມືອງ ກ່ຽວກັບການຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງແນວຄິດ ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມີນ.”