(vovworld) – ​ ວັນ​ທີ 28/12, ຢູ່​ສຳນັກງານ​ລັດຖະບານ, ທ່ານ​ນາຍົກລັດຖະມົນຕີ ຫວຽດນາມ ຫງວຽນ​ເຕີ໋ນຢຸງ ​ເປັນ​ປະທານ​ກອງ​ປະຊຸມ​​ໂດຍ​ກົງທາງ​ເຄືອ​ຂ່າຍ​ອິນ​ເຕີ​ແນັດ​ຂອງ​ລັດຖະບານ​ກັບ​ບັນດາ​ທ້ອງ​ຖິ່ນ​ຜັນ​ຂະຫຍາຍ​ມະຕິ​ຂອງ​ສະພາ​ແຫ່ງ​ຊາດ​ກ່ຽວ​ກັບ​ໜ້າ​ທີ່​ພັດທະນາ​ເສດຖະກິດ - ສັງຄົມ ​ແລະ ​ແຜນ​ງົບປະມານ​ແຫ່ງ​ລັດ​ປີ 2016. ທີ່​ກອງ​ປະຊຸມ ລັດຖະບານ ​ແລະ ບັນດາ​ທ້ອງ​ຖິ່ນ​ຈະ​ປຶກສາ​ຫາລື​ກ່ຽວ​ກັບ​ບົດ​ລາຍ​ງານສຳ​ຫລວດ​ກວດຄືນ​ວຽກ​ງານ​ຊີ້​ນຳ, ​ບໍລິຫານ​ຂອງ​ລັດຖະບານ, ສະພາບ​ການ​ປະຕິບັດ​ແຜນການ​ພັດທະນາ​ເສດຖະກິດ - ສັງຄົມ​ປີ 2015, ​ແຜນ​ງົບປະມານ​ແຫ່ງ​ລັດ​ປີ 2016. ຕີ​ລາຄາ​ໝາກ​ຜົນ​ວຽກ​ງານ​ກວດກາ, ​​ແກ້​ໄຂ ການຮ້ອງທຸກ, ກ່າວ​ຟ້ອງ ​ແລະ ການ​ຕໍ່ສູ້​ການປ້ອງ​ກັນ ຕ້ານການ​ສໍ້​ລາດ​ບັງ​ຫລວງ ​ແລະ ການ​ປະຕິ​ຮູບ​ບໍລິຫານ​ປີ 2015. ກອງ​ປະຊຸມ​ຈະ​ພິຈາລະນາ​ຕີ​ລາຄາ​ສະພາບ​ການ​ປັບປຸງ​ສະພາບ​ແວດ​ລ້ອມ​ແຫ່ງ​ການ​ດຳ​ເນີນ​ທຸລະ​ກິດ, ຍົກ​ສູງຄວາມ​ສາມາດ​ແກ່ງ​ແຍ້ງ​ແຫ່ງ​ຊາດ; ໝາກຜົນ​ການ​ປະຕິບັດ​ລັດຖະບານ​ເອ​ເລັກ​ໂຕ​ນິກ ​ແລະ ສະພາບ​ການ​ປະຕິບັດ​ກົດໝາຍ​ວ່າ​ດ້ວຍ​ວິ​ສາ​ຫະກິດ ​ແລະ ກົດ​ໝາຍ​ວ່າ​ດ້ວຍການ​ລົງທຶນ ສະບັບ​ປັບປຸງ. ກ່າວ​ຄຳ​ເຫັນ​ທີ່​ວາລະ​ປະຊຸມ, ທ່ານ​ນາ​ຍົກ​ລັດຖະມົນຕີ ຫງວຽນ​ເຕີ່ນ​ຢຸງ ສະ​ເໜີ​ວ່າ:​

        “ພາຍຫລັງ​ທີ່​ມີ​ບັນດາ​ຄຳ​ເຫັນ, ລັດຖະບານ​ຈະ​ຮັບ​ເອົາ ​ແລະ ສ້າງສຳ​ເລັດຄືນ​ໃໝ່, ປະກາດ​​ໃຊ້​ມະຕິ ​ເພື່ອ​​ໃຫ້ພວກ​ເຮົາ​ຜັນ​ຂະຫຍາຍ​ປະຕິບັດນັບ​ແຕ່​ວັນ​ທຳ​ອິດ, ​ເດືອນ​ທຳ​ອິດ​ຂອງ​ປີ 2016. ພວກ​ເຮົາ​ມີ​ມະຕິ​ສະບັບໜຶ່ງ ​ໃກ້ຊິດຕິດ​ແທດກັບ​ມະຕິຂອງ​ພັກ, ຂອງ​ສະພາ​ແຫ່ງ​ຊາດ, ​ໃກ້​ຊິດກັບ​ສະພາບ​ການ​ຂອງປະ​ເທດ​ຊາດ, ​ເພື່ອ​ເຮັດ​ແນ​ວ​ໃດ ສູ້​ຊົນ​ບັນລຸ​ລື່ນກາຍຄາດໝາຍ​ທີ່​ໄດ້​ວາງ​ອອກ​ໃຫ້​ປີ 2016, ສ້າງ​ເງື່ອນ​ໄຂ, ສ້າງ​ປະຖົມ​ປັດ​ໃຈ ​ເພື່ອ​ໃຫ້​ພວກ​ເຮົາປະຕິບັດ​ແຜນການ​ພັດທະນາ​ເສດຖະກິດ - ສັງຄົມ 5 ປີ 2016 – 2020 ຢ່າງ​ມີ​ໄຊ ​ເຊິ່ງກອງ​ປະຊຸມ​ໃຫຍ່​ຂອງພັກຈະ​ວາງ​ອອກ”