ກອງປະຊຸມລັດຖະມົນຕີ ການຕ່າງປະເທດ ອາຊຽນ+3 ແລະ ບັນດາກອງປະຊຸມ ທີ່ກ່ຽວຂ້ອງ

ວັນພຸດ ທີ 11 ກໍລະກົດ ຄ.ສ. 2012 | 16:13:51

ທ່ານຮອງລັດຖະມົນຕີການຕ່າງປະເທດຫວຽດນາມ Pham Quang Vinh ເຂົ້າຮ່ວມກອງປະຊຸມລັດຖະມົນຕີການຕ່າງປະເທດອາຊຽນ+3
(ພາບ: internet)

Vovworld- ວັນທີ 10/7 ຢູ່ກຳປູເຈຍ, ໄດ້ດຳເນີນບັນດາ ກອງປະຊຸມລັດຖະມົນຕີການຕ່າງປະເທດອາຊຽນ+3 ຄັ້ງທີ່ 13, ກອງປະຊຸມລັດຖະມົນຕີການຕ່າງປະເທດແມ່ຂອງ-ຍີປຸ່ນຄັ້ງທີ່ 5 ແລະ ກອງປະຊຸມລັດຖະມົນຕີການຕ່າງປະເທດແມ່ຂອງ-ສ.ເກົ່າຫຼີຄັ້ງທີ່ 2 . ທ່ານຮອງລັດຖະມົນຕີການຕ່າງປະເທດຫວຽດນາມ Pham Quang Vinh ໄດ້ນຳໜ້າຄະນະຜູ້ແທນຫວຽດນາມເຂົ້າຮ່ວມບັນດາກອງປະຊຸມດັ່ງກ່າວ.

ທີ່ກອງປະຊຸມລັດຖະມົນຕີການຕ່າງປະເທດອາຊຽນ+3, ບັນດາ ລັດຖະມົນຕີໄດ້ຊົມເຊີຍຂໍ້ຕົກລົງຂອງລັດຖະມົນຕີການເງິນອາຊຽນ+3 ຊຶ່ງເພີ່ມງົບປະມານໃຫ້ແກ່ການປະຕິບັດສັນຍາຫັນຂໍ້ລິເລີ່ມຊຽງໄຮ່ເປັນຫຼາຍຝ່າຍດ້ວຍມຸນຄ່າຈາກ 120 ຕື້ USD ຂຶ້ນເປັນ 240 ຕື້; ສະເໜີຜັນຂະຫຍາຍສັນຍາສາງສະສົມເຂົ້າສານດ່ວນ ອາຊຽນ+3 ທີ່ໄດ້ລົງນາມໃນເດືອນ 10/2011. ໃນວາລະປຶກສາຫາລື, ຫຼາຍປະເທດໄດ້ສະແດງຄວາມວິຕົກກັງວົນຢ່າງເລິກເຊິ່ງກ່ຽວກັບບັນດາການຜັນແປໃນມໍ່ໆມານີ້ຢູ່ທະເລຕາເວັນອອກທີ່ມີຕໍ່ສັນຕິພາບ, ສະຖຽນລະພາບ, ຄວາມປອດໄພໃນການເດີນທະເລຢູ່ພາກພື້ນ, ຢືນຢັນທຸກໆປະເທດຕ້ອງເຄົາລົບກົດໝາຍສາກົນ ແລະ ສົນທິສັນຍາວ່າດ້ວຍທະເລປີ 1982 ຂອງ ສ.ປ.ຊ(UNCLOS). ທ່ານຮອງລັດຖະມົນຕີການຕ່າງປະເທດຫວຽດນາມ Pham Quang Vinh ໄດ້ຢືນຢັນຄືນກ່ຽວກັບຫຼັກໝັ້ນຂອງລັດຖະບານຫວຽດນາມທີ່ຄັດຄ້ານເລື່ອງຈີນໃຫ້ສັດຕະຍາບັນສ້າງຕັ້ງ “ ນະຄອນຊານຊາ ” ກໍຄືເຊື້ອເຊີນເຂົ້າຮ່ວມການປະມູນສຳຫຼວດຂຸດຄົ້ນນ້ຳມັນອາຍແກັດ 9 ແຫ່ງທີ່ນອນໃນເຂດເສດຖະກິດພິເສດ ແລະ ເຂດໄຫຼ່ທະວີບຂອງຫວຽດນາມ. ທ່ານຮອງລັດຖະມົນຕີການຕ່າງປະເທດ ຫວຽດ ນາມ Pham Quang Vinh ໄດ້ເນັ້ນໜັກຄືນບັນດາຫຼັກການກ່ຽວກັບການເຄົາລົບສິດອະທິປະໄຕ ແລະ ສິດສະເໜີພິຈາລະນາຄວາມຖືກຕ້ອງຂອງບັນດາປະເທດແຄມທະເລທີ່ມີຕໍ່ເຂດເສດຖະກິດພິເສດ ແລະ ໄຫຼ່ທະວີບຕາມການກຳນົດຂອງສົນທິສັນຍາກົດໝາຍທະເລປີ 1982 ຂອງ ສ.ປ.ຊ, ແກ້ໄຂການພິພາດໂດຍສັນຕິວິທີ, ບໍ່ນຳໃຊ້ກຳລັງອາວຸດ ແລະ ເຄົາລົບກົດໝາຍສາກົນ.

ຖັດຈາກກອງປະຊຸມລັດຖະມົນຕີການຕ່າງປະເທດອາຊຽນ+3, ກອງປະຊຸມ ລັດຖະມົນຕີການຕ່າງປະເທດແມ່ຂອງ-ຍີປຸ່ນໄດ້ຖືກຈັດຂຶ້ນຊຶ່ງໄດ້ຮັບຮອງເອົາ “ ແຜນດຳເນີນງານ ແມ່ຂອງ-ຍີປຸ່ນ ແນໃສ່ປະຕິບັດຍຸດທະສາດໂຕກຽວ 2012 ”. ກອງປະຊຸມໄດ້ຊົມເຊີຍເລື່ອງ 3 ປະເທດ ຫວຽດນາມ, ລາວ, ໄທ ສ້າງຕັ້ງກົນໄກປະຊຸມຂັ້ນຮອງລັດຖະມົນຕີການຕ່າງປະເທດເພື່ອແກ້ໄຂບັນດາຄວາມຫຍຸ້ງຍາກ ແລະ ຊຸກຍູ້ການພັດທະນາແລວ ຕາເວັນອອກ-ຕາເວັນຕົກ. ກ່າວຄຳເຫັນທີ່ກອງປະຊຸມລັດຖະມົນຕີການຕ່າງປະເທດແມ່ຂອງ-ຍີປຸ່ນ, ທ່ານຮອງລັດຖະມົນຕີ ການຕ່າງປະເທດຫວຽດນາມ Pham Quang Vinh ໄດ້ຢືນຢັນວ່າການຮ່ວມມືຢ່າງມີປະສິດທິຜົນ, ແທດຈິງລະຫວ່າງບັນດາປະເທດກ່ຽວກັບການຄຸ້ມຄອງແຫຼ່ງນ້ຳແມ່ນໜຶ່ງໃນບັນດາເງື່ອນໄຂພື້ນຖານສຳລັບຄວາມສຳເລັດຜົນຂອງ “ທົດສະວັດແມ່ຂອງຂຽວ ” .