ວັນທີ 16 ກໍລະກົດ, ທ່ານລັດຖະມົນຕີການຕ່າງປະເທດຈີນ ຫວາງອີ ແລະ ຄູ່ຮ່ວມຕຳແໜ່ງຂອງ 5 ປະເທດອາຊີກາງ ລວມມີ: ກາຊັກສະຖານ, ກຽກກີສະຖານ, ຕັດຈີກິດສະຖານ, ຕວກເມນິດສະຖານ ແລະ ອຸດສະເບກິດສະຖານ ໄດ້ຈັດກອງປະຊຸມຄັ້ງທຳອິດທາງອອນລາຍ.

        ກ່າວຄຳເຫັນທີ່ກອງປະຊຸມ, ທ່ານລັດຖະມົນຕີການຕ່າງປະເທດຈີນ ຫວາງອີ ໄດ້ຍົກອອກຂໍ້ສະເໜີ 4 ຂໍ້ເພື່ອແນໃສ່ຊຸກຍູ້ການພົວພັນຮ່ວມມືລະຫວ່າງຈີນ ແລະ ບັນດາປະເທດອາຊີກາງ ໃນໄລຍະຈະມາເຖິງ, ລວມມີ: ພ້ອມກັນຮ່ວມມືຍາດໄດ້ໄຊຊະນະຕໍ່ໂລກລະບາດ, ພ້ອມກັນຊຸກຍູ້ການຟື້ນຟູເສດຖະກິດ, ຮັກສາຄວາມໝັ້ນຄົງພາກພື້ນ ແລະ ເພີ່ມທະວີການຮ່ວມມືຫຼາຍຝ່າຍ.

        ສ່ວນລັດຖະມົນຕີການຕ່າງປະເທດຂອງ 5 ປະເທດອາຊີກາງ ໄດ້ສະໜັບສະໜູນເລື່ອງຈີນ ສ້າງຕັ້ງກົນໄກພົບປະລັດຖະມົນຕີການຕ່າງປະເທດປະຈຳໄລຍະ, ຖືວ່າ ນີ້ຈະແມ່ນເວທີປາໄສສຳຄັນຊ່ວຍຫັນການພົວພັນຄູ່ຮ່ວມມືຍຸດທະສາດລະຫວ່າງບັນດາຝ່າຍໃຫ້ເລິກເຊິ່ງຂຶ້ນຕື່ມ. ກໍ່ທີ່ກອງປະຊຸມ, ບັນດາຝ່າຍໄດ້ຮັບຮອງເອົາຖະແຫຼງການລະຫວ່າງລັດຖະມົນຕີຈີນ ແລະ ລັດຖະມົນຕີ 5 ປະເທດອາຊີກາງ.