ທ່ານນາຍົກລັດຖະມົນຕີ Hun Sen ເຂົ້າຮ່ວມກອງປະຊຸມ
|
Vovworld – ກອງປະຊຸມວິສາມັນຂອງພັກປະຊາຊົນ ກຳປູເຈຍ (CPP) ຖືກອັດລົງໃນຕອນບ່າຍວັນທີ 1/2, ພາຍຫຼັງເຮັດວຽກມາເປັນເວລາ 3 ວັນ ແລະ ໄດ້ອອກຂໍ້ຕົກລົງສຳຄັນຫຼາຍຢ່າງ, ໃນນັ້ນມີການເລືອກຕັ້ງກຳມະການສູນກາງເພີ່ມເຕີມຕື່ມອີກ 306 ທ່ານ. ຖະແຫຼງການໄດ້ຍົກອອກພາຍຫຼັງກອງປະຊຸມໃຫ້ຮູ້ວ່າ: ເລື່ອງເລືອກຕັ້ງເພີ່ມເຕີມສະມາຊິກຄົນໃໝ່ເຂົ້າຄະນະບໍລິຫານງານສູນກາງ ເພື່ອແນໃສ່ກໍ່ສ້າງ ແລະ ປັບປຸງພັກໃນທຸກຂົງເຂດ, ດ້ວຍຈຸດປະສົງຍົກສູງຄຸນນະທາດ, ກຳລັງຄວາມສາມາດ ແລະ ກຳລັງນຳພາຂອງພັກເພື່ອແນໃສ່ຕອບສະໜອງຄວາມຮຽກຮ້ອງຕ້ອງການປະຕິບັດໜ້າທີ່ໃນໄລຍະໃໝ່, ປົກປ້ອງຜົນງານຂອງພັກ CPP ບັນລຸໄດ້ໃນຕະຫຼອດ 36 ປີຜ່ານມາຢ່າງໝັ້ນຄົງ. ທີ່ການປະຊຸມຂ່າວພາຍຫຼັງກອງປະຊຸມ, ໂຄສົກພັກ CPP, ທ່ານລັດຖະມົນຕີວ່າການກະຊວງຖະແຫຼງຂ່າວ Khieu Kanharith ໃຫ້ຮູ້ວ່າ: ບັນດາກຳມະການສູນກາງຄົນໃໝ່ທີ່ຫາກໍ່ໄດ້ຮັບການເລືອກຕັ້ງສ່ວນຫຼາຍແມ່ນທີ່ຍັງຄົນໜຸ່ມ, ມີອາຍຸຕຳ່ກ່ວາ 50 ປີກວມ 88%.
ຖະແຫຼງການດັ່ງກ່າວໃຫ້ຮູ້ວ່າ: ກອງປະຊຸມໃຫຍ່ເຫັນດີເປັນເອກະສັນຮັບຮອງເອົາບົດລາຍງານກ່ຽວກັບ “ສະພາບການລວມ 2013 – 2014, ສະພາບການເລືອກຕັ້ງສະພາແຫ່ງຊາດຊຸດທີ 5 ແລະ ທິດທາງຂອງພັກໃນປີ 2015 ແລະ ໃນໄລຍະຈະມາເຖິງ. ກອງປະຊຸມໃຫຍ່ຊຸກຍູ້ການປະຕິບັດຂໍ້ຕົກລົງລະຫວ່າງພັກ ປະຊາຊົນ ກຳປູເຈຍ (CPP) ກັບພັກກູ້ຊາດ (CNRP) ໃນເດືອນ 7/2014 ເພື່ອບັນລຸໄດ້ບັນດາໝາກຜົນຮອບດ້ານ, ຕອບສະໜອງຄວາມມຸ້ງມາດປາດຖະໜາຂອງປະຊາຊົນ.”