ທຸງສະຫະພາບເອີຣົບ (ພາບ: IRNA/TTXVN)

ວັນທີ 17 ຕຸລາ, ກອງປະຊຸມສຸດຍອດ ສະຫະພາບເອີຣົບ (EU) ດ້ວຍການເຂົ້າຮ່ວມຂອງບັນດາທ່ານຜູ້ນຳ ໄດ້ໄຂຂຶ້ນຢູ່ນະຄອນຫຼວງ ບຣຸກແຊນ, ແບນຊິກ. ໂດຍໄດ້ດຳເນີນແຕ່ວັນທີ 17 – 18 ຕຸລາ, ກອງປະຊຸມໄດ້ປຶກສາຫາລືຫຼາຍບັນຫາສຳຄັນ, ເຊັ່ນ: ການປະທະກັນຢູ່ ຢູແກຼນ, ສະພາບການຕາເວັນອອກກາງ, ກໍຄືບັນດາສິ່ງທ້າທາຍກ່ຽວກັບເສດຖະກິດ ແລະ ການອົບພະຍົບ, ການປ່ຽນແປງຂອງດິນຟ້ອາກາດ ແລະ ຊີວະນາໆພັນ…

        ຢູແກຼນ ຈະແມ່ນຫົວຂໍ້ຕົ້ນຕໍຂອງກອງປະຊຸມຄັ້ງນີ້. ທ່ານປະທານາທິບໍດີ ຢູແກຼນ Volodymyr Zelensky ຄາດວ່າຈະນຳສະເໜີແຜນການຢຸດຕິການປະທະກັນຂອງ ຢູແກຼນ ໃຫ້ບັນດາການນຳ EU ໄດ້ຮັບຊາບ. ບັນດາປະເທດ ເອີຣົບ ກໍຈະປຶກສາຫາລືກ່ຽວກັບຂໍ້ລິເລີ່ມສັນຕິພາບ, ໂດຍໄດ້ສ້າງຂຶ້ນບົນພື້ນຖານຫຼັກການຂອງ ກົດບັດ ສປຊ ແລະ ກົດໝາຍສາກົນ.

        ກອງປະຊຸມກໍຈະສະຫງວນເວລາປຶກສາຫາລືກ່ຽວກັບສະພາບການຢູ່ຕາເວັນອອກກາງ, ພິເສດພາຍຫຼັງບັ້ນບຸກໂຈມຕີຂອງ ຮາມາດສ ເຂົ້າ ອິດສະຣາແອັນ ໃນເດືອນ ຕຸລາ 2023. ສະພາເອີຣົບ ຈະຮຽກຮ້ອງໃຫ້ຢຸດຍິງໃນທັນທີ, ໃຫ້ບຸລິມະສິດແກ້ໄຂບັນຫາຕົວປະກັນ ແລະ ຮຽກຮ້ອງໃຫ້ທຸກຝ່າຍເຄົາລົບກົດໝາຍສາກົນ.

ແອັງຕວັນ - ນັກຂ່າວ VOV ປະຈຳ ຝລັ່ງ