ທ່ານປະທານສະພາເອີລົບ Charles Michel (ພາບ: AFP/TTXVN)

        ວັນທີ 29 ມິຖຸນາ, ບັນດາປະມຸກລັດ ແລະ ຜູ້ນຳໜ້າລັດຖະບານບັນດາປະເທດສະຫະພາບ ເອີລົບ (ອີຢູ) ໄດ້ເຂົ້າຮ່ວມກອງສຸດຍອດຈັດຂຶ້ນເປັນປະຈຳປີຢູ່ນະຄອນຫຼວງ ບຣຸກແຊນ, ປະເທດ ແບນຊິກ. ກອງປະຊຸມໄດ້ດຳເນີນໄປເປັນເວລາ 2 ວັນ, ຢູ່ທີ່ນີ້, ບັນດາການນຳ ອີຢູ ໄດ້ປຶກສາຫາລືກ່ຽວກັບບັນຫາຮ້ອນເຮັ່ງຕ່າງໆຂອງກຸ່ມ, ຄື: ບັນດາການຜັນແປຫວ່າງມໍ່ໆມານີ້ໃນການປະທະກັນລະຫວ່າງ ລັດເຊຍ - ຢູແກຼນ ແລະ ການໜູນຊ່ວຍຢ່າງຕໍ່ເນື່ອງຂອງ ອີຢູ ສຳລັບ ຢູແກຼນ, ລວມທັງການໜູນຊ່ວຍການດ້ານເງິນ ແລະ ການທະຫານ, ກໍຄືບັນດາບັນຫາເສດຖະກິດ, ຄວາມໝັ້ນຄົງ ແລະ ການປ້ອງກັນຊາດ, ບັນຫາອົບພະຍົບ ແລະ ການພົວພັນຕ່າງປະເທດ.

        ກ່ຽວກັບບັນຫາເສດຖະກິດ, ບັນດາການນຳ ອີຢູ ໄດ້ພິຈາລະນາການປະຕິບັດບັນດາຂໍ້ສະຫຼຸບກ່ອນໜ້ານັ້ນ ກ່ຽວກັບນະໂຍບາຍອຸດສາຫະກຳຂອງ ອີຢູ, ຕະຫຼາດລວມ ແລະ ຄວາມສາມາດແກ່ງແຍ້ງ ແລະ ການຜະລິດໃນໄລຍະຍາວຂອງ ອີຢູ. ບັນດາການນຳກໍ່ຈະປຶກສາຫາລືກ່ຽວກັບສະພາບການເສດຖະກິດຢູ່ ອີຢູ, ພິເສດແມ່ນກ່ຽວຂ້ອງເຖິງການເພີ່ມທະວີຄວາມໝັ້ນຄົງດ້ານເສດຖະກິດ ແລະ ຄວາມສາມາດຟື້ນຟູ.