ທ່ານ ເລຂາທິການໃຫຍ່ ສປຊ Antonio Guterres (ພາບ: THX/TTXVN)

ວັນທີ 22 ເມສາ, ທ່ານ ເລຂາທິການໃຫຍ່ ສປຊ Antonio Guterres ໄດ້ຮຽກຮ້ອງໃຫ້ບັນດາປະເທດພັດທະນາເພີ່ມທະວີການປະກອບສ່ວນເຂົ້າບັ້ນຕໍ່ສູ້ຕ້ານການປ່ຽນແປງຂອງດິນຟ້າອາກາດ. ກ່າວຄຳເຫັນທີ່ກອງປະຊຸມສຸດຍອດກ່ຽວກັບບັນຫາດິນຟ້າອາກາດໂລກ ທີ່ໄດ້ດຳເນີນຕາມຮູບການທາງອອນລາຍ ໂດຍອາເມລິກາ ຈັດຂຶ້ນໃນສອງວັນ, ທ່ານ Guterres ໄດ້ຮຽກຮ້ອງໃຫ້ບັນດາການນຳໂລກ ມີການກະທຳເພື່ອສະກັດກັ້ນສະພາບການປ່ຽນແປງຂອງດິນຟ້າອາກາດ, ພ້ອມທັງຢ້ຳຄືນທັດສະນະຂອງຕົນແມ່ນສ້າງພັນທະມິດທົ່ວໂລກ ເພື່ອນຳປະລິມານການປ່ອຍອາຍພິດ ໃນໄລຍະຍາວໃຫ້ຫຼຸດລົງລະດັບ 0 ໃນກາງສະຕະວັດນີ້. ທ່ານກໍ່ໄດ້ເລັ່ງທວງບັນດາປະເທດຊຸກຍູ້ “ທົດສະວັດແຫ່ງການປ່ຽນແປງ”, ຮຽກຮ້ອງໃຫ້ເຂົາເຈົ້າປະກາດແຜນການຫຼຸດຜ່ອນທາດກາກບອນ. ແລະໃນບົດກ່າວປາໄສຂອງຕົນ, ທ່ານ Guterres ໄດ້ສະເໜີໃຫ້ບັນດາປະເທດຈັດວາງລາຄາ ກາກບອນ, ຢຸດຕິການໜູນຊ່ວຍໃຫ້ແກ່ຂະແໜງຂຸດຄົ້ນ  ເຊື້ອເພີງ ຟອັດຊິວ, ເພີ່ມທະວີການລົງທຶນເຂົ້າໃນພະລັງງານຜະລິດຄືນໃໝ່ ແລະ ພື້ນຖານໂຄງລ່າງຂຽວ, ຮອດປີ 2030 ຢຸດຕິການນຳໃຊ້ຖ່ານຫີນຢູ່ບັນດາປະເທດຮັ່ງມີ ແລະ ບັນດາສະຖານທີ່ຕ່າງໆໃນປີ 2040, ຮັບປະກັນວິວັດຂະບວນການຫັນປ່ຽນຢ່າງມີປະສິດທິຜົນ ໃຫ້ແກ່ປະຊາຊົນ ແລະ ປະຊາຄົມທີ່ຖືກຜົນກະທົບ.