ກອງປະຊຸມສຸດຍອດ ອີຢູ (ພາບປະກອບ: THX/TTXVN)

ຕອນຄ່ຳວັນທີ 24 ກຸມພາ (ຕາມເວລາ ບຣຸກແຊນ), ທີ່ກອງປະຊຸມສຸດຍອດວິສາມັນສະຫະພາບເອີລົບ (ອີຢູ) ກ່ຽວກັບວິກິດການ ຢູແກຼນ - ລັດເຊຍ, ບັນດາການນຳ ອີຢູ ໄດ້ຮັບຮອງເອົາມາດຕະການ ລົງໂທດສຳລັບ ລັດເຊຍ ໂດຍຄະນະກຳມະການເອີລົບ ສະເໜີ.

ບັນດາມາດຕະການລົງໂທດດັ່ງກ່າວກ່ຽວຂ້ອງເຖິງຂົງເຂດການເງິນ, ພະລັງງານ, ການຂົນສົ່ງແລະ ການຄ້າ, ກໍຄືຢຸດຕິການທ່ອງທ່ຽວຍົກເລີກວີຊາໄປຍັງເອີລົບ ສຳລັບບັນດານັກການທູດ ລັດເຊຍ. ມາດຕະການລົງໂທດ ກໍ່ສະເໜີໃຫ້ ປິດລ້ອມຊັບສົມບັດ ແລະ ຫ້າມການໄປມາສຳລັບສ່ວນບຸກຄົນ ລັດເຊຍ ແລະ ເບລາຣຸດ ທີ່ກ່ຽວຂ້ອງເຖິງເລື່ອງກະກຽມບັ້ນຮົບດ້ານການທະຫານໃນປະຈຸບັນຂອງ ລັດເຊຍ ຢູ່ ຢູແກຼນ, ເຊັ່ນວ່າບັນດາສະມາຊິກຂອງສະພາຄວາມໝັ້ນຄົງແຫ່ງຊາດ ລັດເຊຍ.

ພາຍຫຼັງການນຳບັນດາປະເທດ ອີຢູ ຮັບຮອງເອົາ, ມາດຕະການລົງໂທດດັ່ງກ່າວຈະສ້າງເປັນເອກະສານດ້ານນິຕິກຳ, ເຊິ່ງບັນດາລັດຖະມົນຕີການຕ່າງປະເທດ ອີຢູ ຮັບຮອງເອົາຢ່າງເປັນທາງການໃນວັນທີ 25 ກຸມພາ.

ກ່ອນໜ້ານັ້ນ, ວັນທີ 24 ກຸມພາ, ທ່ານນາງໂຄສົກກະຊວງການຕ່າງປະເທດລັດເຊຍ Maria Zakharova ກໍ່ອອກຖະແຫຼງໂດຍໃຫ້ຮູ້ວ່າ, ລັດເຊຍ ຈະໂຕ້ຕອບພາຍຫຼັງທີ່ບັນດາປະເທດຝ່າຍຕາເວັນຕົກ ຊອກຫາວິທີເພື່ອລົງໂທດ ລັດເຊຍ ຍ້ອນຄວາມເຄັ່ງຕຶງຢູ່ ຢູແກຼນ.