ກອງປະຊຸມສະຫຼຸບ ສົກຮຽນ 2013 – 2014 ຂອງນັກສຶກສາລາວ ທີ່ ສສ.ຫວຽດນາມ
Minh Duc -
(ທ່ານ ເອກອັກຄະລັດຖະທູດ ສົມພອນ ສີຈະເລີນ
ມອບໃບຢັ້ງຢືນໃຫ້ບັນດານັກສຶກສາລາວ ພວມຮໍ່າຮຽນຢູ່ຫວຽດນາມ)
(vovworld) – ຕອນເຊົ້າວັນທີ 24/12, ຢູ່ຮ່າໂນ້ຍ. ສະຖານທູດລາວ ປະຈຳຫວຽດນາມ, ໄດ້ຈັດກອງປະຊຸມສະຫຼຸບສົກຮຽນ 2013 – 2014 ຂອງນັກສຶກສາລາວ ທີ່ ສສ.ຫວຽດນາມ, ເພື່ອແນໃສ່ຕີລາຄາສະພາບການຮໍ່າຮຽນໃນສົກຮຽນ 2013 – 2014 ຂອງບັນດານັກສຶກສາລາວ ທີ່ພວມຮໍ່າຮຽນຢູ່ບັນດາມະຫາວິທະຍາໄລ, ສະຖາບັນ, ວິທະຍາໄລ ຢູ່ຫວຽດນາມ. ເຂົ້າຮ່ວມກອງປະຊຸມມີທ່ານເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງ ສປປລາວ ປະຈຳຫວຽດນາມ ສົມພອນ ສີຈະເລີນ, ທ່ານລັດຖະມົນຕີຊ່ວຍວ່າການກະຊວງສຶກສາທິການ ແລະ ກິລາລາວ ກອງສີ ແສງມະນີ, ພ້ອມກັບຜູ້ຕາງໜ້າກະຊວງສຶກສາ ແລະ ບຳລຸງສ້າງຫວຽດນາມ ແລະ ນັກສຶກສາລາວທີ່ພວມຮໍ່າຮຽນຢູ່ຫວຽດນາມ ເປັນຈຳນວນຫຼວງຫຼາຍ. ກ່າວຄຳເຫັນທີ່ພິທີ, ທ່ານ ເອກອັກຄະລັດຖະທູດ ສົມພອນ ສີຈະເລີນ ໃຫ້ຮູ້ວ່າ: ໃນໄລຍະຜ່ານມາ, ເລື່ອງຫວຽດນາມ ໃຫ້ບຸລິມະສິດແກ່ການບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງໃຫ້ລາວ, ໃນໄລຍະ 2 ປະເທດພວມດຳເນີນວິວັດການປ່ຽນໃໝ່ - ເຊື່ອມໂຍງເຂົ້າກັບເສດຖະກິດສາກົນ, ໄດ້ປະກອບສ່ວນເພີ່ມທະວີນ້ຳໃຈມິດຕະພາບລະຫວ່າງ 2 ປະເທດ.
(ທ່ານ ເອກອັກຄະລັດຖະທູດ ສົມພອນ ສີຈະເລີນ)
ທີ່ກອງປະຊຸມຄັ້ງນີ້, ສະຖານທູດລາວປະຈຳຫວຽດນາມ ກໍ່ໄດ້ມອບໃບຢັ້ງຢືນໃຫ້ບັນດານັກສຶກສາລາວ ພວມຮໍ່າຮຽນຢູ່ບັນດາໂຮງຮຽນຂອງຫວຽດນາມ ທີ່ບັນລຸໄດ້ຜົນງານດີໃນການຮໍ່າຮຽນອີກດ້ວຍ.
Minh Duc