ກອງປະຊຸມສະຫຼຸບວຽກງານ ປີ 2020 ແລະ ທິດທາງໜ້າທີ່ວຽກງານໃນປີ 2021 ຂອງຄະນະພົວພັນການຕ່າງປະເທດສູນກາງພັກກອມມູນິດ ຫວຽດນາມ
(VOVWORLD) -ທ່ານ ຮ່ວາງບິ່ງກວນ, ຫົວໜ້າຄະນະພົວພັນການຕ່າງປະເທດສູນກາງພັກ ໄດ້ສະເໜີໃຫ້ແຕ່ລະຫົວໜ່ວຍ, ສ່ວນບຸກຄົນຄວນສືບຕໍ່ເສີມຂະຫຍາຍຈິດໃຈຄວາມຮັບຜິດຊອບໃນການປະຕິບັດວຽກງານ, ຍົກສູງຄຸນນະພາບການຄົ້ນຄ້ວາ, ຄາດຄະເນ ຍຸດທະສາດຢ່າງບໍ່ຢຸດຢັ້ງ
ທ່ານ ຮ່ວາງບິ່ງກວນ, ຫົວໜ້າຄະນະພົວພັນການຕ່າງປະເທດສູນກາງພັກ (ພາບ: TTXVN) |
ວັນທີ 29 ທັນວາ, ຄະນະພົວພັນການຕ່າງປະເທດສູນກາງພັກກອມມູນິດ ຫວຽດນາມ ໄດ້ຈັດກອງປະຊຸມສະຫຼຸບວຽກງານປີ 2020 ແລະ ຜັນຂະຫຍາຍໜ້າທີ່ໃນປີ 2021. ກ່າວຄຳເຫັນທີ່ກອງປະຊຸມ, ທ່ານ ຮ່ວາງບິ່ງກວນ, ຫົວໜ້າຄະນະພົວພັນການຕ່າງປະເທດສູນກາງພັກ ໄດ້ສະເໜີໃຫ້ແຕ່ລະຫົວໜ່ວຍ, ສ່ວນບຸກຄົນຄວນສືບຕໍ່ເສີມຂະຫຍາຍຈິດໃຈຄວາມຮັບຜິດຊອບໃນການປະຕິບັດວຽກງານ, ຍົກສູງຄຸນນະພາບການຄົ້ນຄ້ວາ, ຄາດຄະເນ ຍຸດທະສາດຢ່າງບໍ່ຢຸດຢັ້ງ, ປະຕິບັດ ວຽກງານເປັນເສນາທິການ, ພິຈາລະນາໃຫ້ແກ່ກົມການເມືອງ, ຄະນະເລຂາກ່ຽວກັບການທູດໃຫ້ເປັນຢ່າງດີ, ຮັບໃຊ້ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກ ເປັນຢ່າງດີ. ພ້ອມທັງຈັດບັນດາການເຄື່ອນໄຫວການພົວພັນຕ່າງປະເທດທີ່ມີຄວາມໄຫວພິບ, ຮັບປະກັນຄວາມເໝາະສົມກັບສະພາບການໂລກ, ພາກພື້ນ, ຊີ້ນຳ, ແນະນຳ ວຽກງານການພົວພັນຕ່າງປະເທດປະຊາຊົນຢ່າງໃກ້ຊິດ.