ກອງປະຊຸມສະໄໝສາມັນເທື່ອທີ 8, ສະພາແຫ່ງຊາດຊຸດທີ XV: ສິ້ນສຸດການຊັກຖາມ ແລະ ຕອບຄຳຊັກຖາມ
(VOVWORLD) - ພາຍຫຼັງເຮັດວຽກເປັນເວລາ 2 ວັນ, ຕອນບ່າຍວັນທີ 12 ພະຈິກ, ສະພາແຫ່ງຊາດໄດ້ປະຕິບັດສຳເລັດວາລະຊັກຖາມ ແລະ ຕອບຄຳຊັກຖາມຢູ່ກອງປະຊຸມສະໄໝສາມັນເທື່ອທີ 8, ສະພາແຫ່ງຊາດ ຫວຽດນາມ ຊຸດທີ XV ສຳລັບ 3 ກຸ່ມບັນຫາຊຶ່ງເປັນຄວາມຮັບຜິດຊອບຫຼັກໆຂອງຜູ້ວ່າການທະນາຄານແຫ່ງລັດ ຫວຽດນາມ, ລັດຖະມົນຕີກະຊວງສາທາລະນະສຸກ, ລັດຖະມົນຕີກະຊວງຖະແຫຼງຂ່າວ ແລະ ການສື່ສານ.
 ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ກ່າວຄຳເຫັນທີ່ວາລະປະຊຸມ (ພາບ: vov.vn)
|
ໃນວາລະຊັກຖາມ ແລະ ຕອບຄຳຊັກຖາມ, ມີສະມາຊິກສະພາແຫ່ງຊາດ 136 ເທື່ອຄົນ ໄດ້ຊັກຖາມ ແລະ 18 ເທື່ອຄົນໂຕ້ວາທີ. ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ເນັ້ນໜັກວ່າ:
“ບັນດາສະມາຊິກສະພາແຫ່ງຊາດ ໄດ້ຍົກອອກຫຼາຍບັນຫາຢ່າງກົງໄປກົງມາ ດ້ວຍຄວາມປາດຖະໜາ ໃຫ້ລັດຖະບານ, ບັນດາກະຊວງ, ຂະແໜງການສືບຕໍ່ມີມາດຕະການຢ່າງທັນການ, ມີປະສິດທິຜົນກວ່າ. ບັນດາລັດຖະມົນຕີ, ຫົວໜ້າຂະແໜງການ ໄດ້ສະແດງໃຫ້ເຫັນມີຄວາມຮັບຜິດຊອບສູງ, ຕອບບັນດາບັນຫາຍາກ, ສັບສົນໄດ້ຢ່າງຈະແຈ້ງ, ກົງໄປກົງມາ, ບໍ່ຫຼີກລ່ຽງ, ອະພິປາຍເຮັດແຈ້ງຫຼາຍບັນຫາເຊິ່ງສະມາຊິກສະພາແຫ່ງຊາດໄດ້ຍົກອອກມາ; ພ້ອມດຽວກັນນັ້ນ ກໍວາງອອກຫຼາຍມາດຕະການແກ້ໄຂຄວາມຫຍຸ້ງຍາກໃນໄລຍະຈະມາເຖິງ. ຄະນະປະຈຳສະພາແຫ່ງຊາດຈະຊີ້ນຳບັນດາອົງການທີ່ກ່ຽວຂ້ອງກະກຽມຮ່າງມະຕິຍື່ນສະເໜີຕໍ່ສະພາແຫ່ງຊາດ ພິຈາລະນາ, ຮັບຮອງເອົາໃນວາລະປິດກອງປະຊຸມນີ້”.
ກ່ອນທີ່ຈະສິ້ນສຸດວາລະຊັກຖາມ ແລະ ຕອບຄຳຊັກຖາມ, ທ່ານນາຍົກລັດຖະມົນຕີ ຟ້າມມິງຈິງ ໄດ້ອະພິປາຍເຮັດແຈ້ງບັນດາຄຳຖາມຂອງສະມາຊິກສະພາແຫ່ງຊາດ.