ບັນດາຜູ້ແທນເຂົ້າຮ່ວມເຫດການ (ພາບ:Lâm Thiên)

ກອງປະຊຸມສາກົນ “ບັນດາປອງຢ້ຽມໄຂອອກສູ່ຈັກກະວານ” ໂດຍສູນວິທະຍາສາດ ແລະ ການສຶກສາສາກົນ ລະຫວ່າງຂະແໜງ (ສູນ ICISE) ສົມທົບກັບສະມາຄົມວິທະຍາສາດພົບປະ ຫວຽດນາມ, ກະຊວງວິທະຍາສາດ ແລະ ເຕັກໂນໂລຊີ, ຄະນະກຳມະການປະຊາຊົນ ແຂວງ ບິ່ງດິ້ງ ສົມທົບກັນຈັດຕັ້ງຂຶ້ນຢ່າງເປັນທາງການໃນວັນທີ 7 ສິງຫາ, ຢູ່ນະຄອນ ກຸຍເຍີນ, ແຂວງ ບິ່ງດິ້ງ. ເຫດການມີການເຂົ້າຮ່ວມຂອງນັກວິທະຍາສາດ, ນັກປາຖະກະຖາສາກົນເກືອບ 200 ທ່ານ. ນີ້ແມ່ນເວທີປາໄສ ເພື່ອໃຫ້ບັນດານັກວິທະຍາສາດຢູ່ພາຍໃນປະເທດ ແລະ ສາກົນ ຮ່ວມມືວິທະຍາສາດ, ແລກປ່ຽນປຶກສາຫາລືກ່ຽວກັບບັນດາການຄົ້ນຫາຫຼ້າສຸດໃນຂົງເຂດວິທະຍາສາດ…

        ກ່າວຄຳເຫັນໄຂກອງປະຊຸມ, ທ່ານ ສດ ເຈິ່ນແທັງເວີນ, ປະທານສະມາຄົມພົບປະ ຫວຽດນາມ, ເນັ້ນໜັກວ່າ ກອງປະຊຸມສ້າງເງື່ອນໄຂໃຫ້ແກ່ບັນດານັກຄົ້ນຄ້ວາໜຸ່ມໄດ້ສະແດງແນວຄວາມຄິດ ແລະ ເຂົ້າຮ່ວມບັນດາການປຶກສາຫາລືກັບບັນດານັກວິທະຍາສາດທີ່ປະສົບຜົນສຳເລັດໃນຂົງເຂດນີ້. ຈາກນັ້ນ, ສ້າງການຮ່ວມມືດ້ານວິທະຍາສາດ ແລະ ພັດທະນາໃຫ້ແກ່ບັນດານັກວິທະຍາສາດໜຸ່ມ ໃນປະຊາຄົມວິທະຍາສາດ ພື້ນຖານເພື່ອແນໃສ່ແລກປ່ຽນຄວາມຮູ້ ແລະ ການຮ່ວມມືສາກົນກ່ຽວກັບຟິຊິກ ແລະ ດາລາສາດ.