ທ່ານນາຍພົນ Khalifa Haftar, ຜູ້ນຳກອງກຳລັງທະຫານທາງພາກຕາເວັນອອກ ອ້າງຊື່ເອງ ກອງທັບແຫ່ງຊາດ ລີບີ (LNA) ກ່າວຄຳເຫັນທີ່ກອງປະຊຸມ (ພາບ: TTXVN)

ວັນທີ 19 ມັງກອນ, ກອງປະຊຸມສາກົນ ກ່ຽວກັບ ລີບີ ໄດ້ຈັດຂຶ້ນ ຢູ່ ນະຄອນຫຼວງ Berlin, ປະເທດເຢຍລະມັນ, ຕາມການສະເໜີຂອງທ່ານນາງນາຍົກລັດຖະມົນຕີ ເຢຍລະມັນ Angela Merkel, ດ້ວຍການເຂົ້າຮ່ວມຂອງ ການນຳສູງສຸດຂອງ ສອງຝ່າຍທີ່ ປະທະກັນ ຢູ່ ລີບີ ລວມມີ: ທ່ານ Fayez al – Sarraj, ຜູ້ນຳໜ້າລັດຖະບານສາມັກຄີ ຊາດ (GNA) ຢູ່ Tripoli, ແລະ ທ່ານນາຍພົນ Khalifa Haftar, ຜູ້ນຳກອງກຳລັງທະຫານທາງພາກຕາເວັນອອກ ອ້າງຊື່ເອງ ກອງທັບແຫ່ງຊາດ ລີບີ (LNA). ທ່ານປະທານາທິບໍດີ ບັນດາປະເທດ ລັດເຊຍ, ຕວັກກີ, ຝລັ່ງ, ພ້ອມກັບຜູ້ຕາງໜ້າຂອງ ສະຫະພາບ ເອີລົບ (EU), ສະຫະພາບອາຟຼິກກາ, ສະຫະພັນ ອາຣັບ ແລະ ທ່ານ Antonio Guterres ເລຂາທິການໃຫຍ່ ສປຊ ກໍ່ເຂົ້າຮ່ວມ.

ການພົບປະກັນຢູ່ Berlin ໄດ້ສ້າງຄວາມຕັດສິນໃຈ ຂອງບັນດາຝ່າຍທີ່ກ່ຽວຂ້ອງເພື່ອແນສູ່ມຸ່ງໄປໃສ່ບັນດາບາດກ້າວຕໍ່ໄປ, ໃນນັ້ນບັນດາຝ່າຍໄດ້ເຫັນດີເປັນເອກະພາບກ່ຽວກັບ ວິວັດທະນາການທີ່ຕິດພັນກັບຄວາມຮັບຜິດຊອບຂອງບັນດາຝ່າຍທີ່ກ່ຽວຂ້ອງໃນການມຸ່ງໄປສູ່ ແລະ ປະຕິບັດຄຳສັ່ງ ຢຸດຍິງຮອບດ້ານ.