ກໍໍ່າປັ່ນຂົນສົ່ງນໍ້າມັນຖືກບຸກໂຈມຕີຢູ່ອ່າວ Oman ໃນວັນທີ 13/06/2019 (ພາບ: TTXVN)

ກອງປະຊຸມຖືກຈັດຂຶ້ນພາຍຫຼັງບັນດາເຫດບຸກໂຈມຕີໃສ່ກໍ່າປັ່ນຂົນສົ່ງນໍ້າມັນຢູ່ເຂດອ່າວ ແລະ ບັນດາຮາກຖານຜະລິດນໍ້າມັນຂອງ ອາຣັບບີ ຊະອຸດິ ຫວ່າງມໍ່ໆມານີ້ ເຊິ່ງ ອາເມລິກາ ແລະ ຫຼາຍປະເທດຕາເວັນຕົກ ກ່າວຫາວ່າ ອີຣານ ແມ່ນປະເທດປະຕິບັດ ໂດຍບໍ່ຫົວຊາຕໍ່ການຄັດຄ້ານຂອງ ເຕເຮຣານ. ກ່າວຄໍາເຫັນທີ່ກອງປະຊຸມ ທີ່ແກ່ຍາວເປັນເວລາ 2 ວັນນີ້, ທ່ານລັດຖະມົນຕີການຕ່າງປະເທດ ບາເຣັນ Khaled bin Ahmed Al-Khalifa ຮຽກຮ້ອງໃຫ້ບັນດາປະເທດເຂົ້າຮ່ວມກອງປະຊຸມ ພ້ອມກັນສະແດງທັດສະນະລວມ ເພື່ອຜັນຂະຫຍາຍບັນດາມາດຕະການຈໍາເປັນ ເພື່ອແນໃສ່ປົກປັກຮັກສາປະເທດຊາດ. ທ່ານເນັ້ນໜັກວ່າ ກອງປະຊຸມ ແມ່ນໂອກາດ ເພື່ອໃຫ້ບັນດາປະເທດພົບປະແລກປ່ຽນທັດສະນະ ກ່ຽວກັບວິທີການແກ້ໄຂບັນດາໄພນາບຂູ່ທີ່ມີຄວາມສ່ຽງ ແລະ ຮັບປະກັນສິດເສລີໃນການເດີນເຮືອ.

        ໃນຂະນະນັ້ນ, ທ່ານລັດຖະມົນຕີການຕ່າງປະເທດອາເມລິກາ Mike Pompeo ໄດ້ສົ່ງຈົດໝາຍມາຍັງກອງປະຊຸມ ໂດຍໄດ້ເນັ້ນໜັກເຖິງຈຸດເວລາດໍາເນີນເຫດການທີ່ມີຄວາມໝາຍເປັນແກ່ນສານໃນປະຫວັດສາດ.  ຈົດໝາຍສະບັບດັ່ງກ່າວ ໄດ້ສະແດງໃຫ້ເຫັນຢ່າງຈະແຈ້ງການປະກົດຕົວຂອງອາວຸດລ້າງຜານ ພວມເປັນໄພນາບຂູ່ຢ່າງແຮງຕໍ່ຄວາມໝັ້ນຄົງ ແລະ ສັນຕິພາບສາກົນ ແລະ ຮຽກຮ້ອງໃຫ້ບັນດາປະເທດມີການກະທໍາຢ່າງແຮງ ແລະ ຈໍາເປັນເພື່ອສະກັດກັ້ນສະພາບການດັ່ງກ່າວ.