(vovworld) - ກອງປະຊຸມສຳມະນາ 30 ປີ ປ່ຽນໃໝ່ວຽກງານເປັນເສນາທິການໃນຂົງເຂດການເມືອງ, ແນວຄິດ, ການສຶກສາວິທະຍາສາດ ແລະ ຂົນຂວາຍປະຊາຊົນ ໄດ້ດຳເນີນຢູ່ຮ່າໂນ້ຍ, ເພື່ອແນໃສ່ສະໜອງບັນດາມູນຖານວິທະຍາສາດ, ທິດສະດີ ແລະ ພຶດຕິກຳຕົວຈິງໃນວຽກງານເປັນເສນາທິການຂອງບັນດາອົງການສູນກາງພັກ ຜ່ານ 30 ປີ ແຫ່ງການປ່ຽນໃໝ່; ກໍ່ສ້າງ, ລາຍງານ; ຍື່ນສະເໜີຕໍ່ຄະນະເລຂາ, ປະກອບສ່ວນປັບປຸງແນວທາງປ່ຽນໃໝ່, ກະກຽມບັນດາເອກະສານຮັບໃຊ້ກອງປະຊຸມໃຫຍ່ພັກກອມມູນິດຫວຽດນາມຊຸດທີ 12.
ກ່າວຄວາມເຫັນທີ່ກອງປະຊຸມສຳມະນາ, ສາສະດາຈານ. ດຮ. ຟ້າມແມ້ງຮຸ່ງ, ຮອງປະທານຮັບຜິດຊອບສະພາວິທະຍາສາດບັນດາອົງການພັກສູນກາງຢືນຢັນວ່າ:
“ໃນພາລະກິດແຫ່ງການປ່ຽນໃໝ່, ພວກເຮົາບັນລຸໄດ້ບັນດາຜົນງານທີ່ສຳຄັນໃນທຸກດ້ານເສດຖະກິດສັງຄົມ, ວັດທະນະທຳ, ການປ້ອງກັນຊາດປ້ອງກັນຄວາມສະຫງົບ, ການຕ່າງປະເທດ. ເພື່ອບັນລຸໄດ້ບັນດາຜົນງານນັ້ນ, ກ່ອນອື່ນໝົດແມ່ນຍ້ອນພັກໄດ້ວາງອອກທິດທາງທີ່ຖືກຕ້ອງ ເພື່ອຊີ້ນຳໃຫ້ທົ່ວພັກ, ທົ່ວກອງທັບ ແລະ ປະຊາຊົນທຸກຊັ້ນວັນນະ ເດັດດຽວຍົກສູງຄັນທຸງເອກກະລາດແຫ່ງຊາດ ຕິດພັນກັບລັດທິສັງຄົມນິຍົມເພື່ອສ້າງປະເທດຫວຽດນາມ ເຊິ່ງໃນນັ້ນໃຫ້ປະຊາຊົນຮັ່ງມີ, ປະເທດຊາດເຂັ້ມແຂງ ສັງຄົມປະຊາທິປະໄຕຍຸຕິທຳສີວິໄລ. ຜ່ານວຽກງານເປັນເສນາທິການໃຫ້ຄະນະບໍລິຫານງານສູນກາງ ເຊິ່ງໂດຍກົງແມ່ນກົມການເມືອງ ແລະ ຄະນະເລຂາ ຜ່ານອາຍຸການຕ່າງໆ, ບັນດາຄະນະພັກສູນກາງ ໄດ້ປະກອບສ່ວນສຳຄັນເຂົ້າໃນວຽກງານວາງບັນດາແຜນນະໂຍບາຍ, ນະໂຍບາຍນັ້ນ”.