ກ່າວຄວາມເຫັນທີ່ກອງປະຊຸມສຳມະນາ, ທ່ານນາງ ຕ່ອງທິຟ໋ອງ, ຮອງປະທານສະພາແຫ່ງຊາດ ຫວຽດນາມ ຊີ້ແຈ້ງວ່າ, ພື້ນຖານການສຶກສາ ຫວຽດນາມ ໃນຊຸມປີຜ່ານມາບັນລຸໄດ້ຜົນງານສຳຄັນຫຼາຍຢ່າງ, ປະກອບສ່ວນສຳຄັນເຂົ້າໃນພາລະກິດແຫ່ງການປ່ຽນໃໝ່, ມຸ່ງໄປສູ່ຈຸດໝາຍຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ. ເຖິງຢ່າງໃດກໍ່ຕາມ, ຕໍ່ໜ້າການພັດທະນາດ້ານວິທະຍາສາດ - ເຕັກໂນໂລຢີຢ່າງບໍ່ຢຸດຢັ້ງນັ້ນ, ມັນໄດ້ຮຽກຮ້ອງໃຫ້ມີການກໍ່ສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງໃນໄລຍະປ່ຽນໃໝ່, ສະນັ້ນພື້ນຖານການສຶກສາ ຫວຽດນາມ ພວມຢືນຢູ່ຕໍ່ໜ້າຄວາມຮຽກຮ້ອງຕ້ອງການ ໃຫ້ມີການປ່ຽນໃໝ່ໂດຍພື້ນຖານ, ຮອບດ້ານ ເພື່ອຕອບສະໜອງພາລະກິດສ້າງສາ ແລະ ປົກປັກຮັກສາປະເທດ, ຄວາມຕ້ອງການຮຳ່ຮຽນຕະຫຼອດຊີວິດຂອງປະຊາຊົນໃຫ້ດີກວ່າເກົ່າ. ທ່ານນາງ ຕ່ອງທິຟ໋ອງ, ຮອງປະທານສະພາແຫ່ງຊາດ ເນັ້ນໜັກວ່າ, ກອງປະຊຸມສຳມະນາແມ່ນໂອກາດເພື່ອຮັບເອົາບັນດາຄວາມເຫັນຂອງນັກວິທະຍາສາດ, ບັນດານັກຊ່ຽວຊານທັງຢູ່ພາຍໃນ ແລະ ຕ່າງປະເທດກ່ຽວກັບບັນຫາຕົ້ນຕໍ່ໃນການຍົກສູງຄຸນນະພາບການສຶກສາສາມັນຕໍ່ຫນ້າຄວາມຮຽກຮ້ອງຕ້ອງການພັດທະນາຄຸນນະທາດ, ຄວາມສາມາດຂອງຜູ້ຮຽນຢ່າງຮອບດ້ານ.