ກອງປະຊຸມສຳມະນາ“ກຳມາທິການກ່ຽວກັບບັນດາບັນຫາສັງຄົມກັບນະໂຍບາຍກົດໝາຍ”
ທ່ານນາງປະທານສະພາແຫ່ງຊາດ ຫງວຽນທິກີມເງິນ
ກ່າວຄຳເຫັນທີ່ກອງປະຊຸມສຳມະນາ
(ພາບສຳນັກຂ່າວສານຫວຽດນາມ)
(vovworld) – ຕອນບ່າຍວັນທີ 26/06 ກຳມາທິການກ່ຽວກັບບັນດາບັນຫາສັງຄົມຂອງສະພາແຫ່ງຊາດຈັດຕັ້ງກອງປະຊຸມສຳມະນາ “ກຳມາທິການກ່ຽວກັບບັນດາບັນຫາສັງຄົມກັບນະໂຍບາຍກົດໝາຍຊຸກຍູ້ຄວາມຄືບໜ້າ ແລະ ຄວາມຍຸຕິທຳທາງສັງຄົມ”. ກ່າວຄຳເຫັນທີ່ກອງປະຊຸມສຳມະນາ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກີມເງິນ ຖືວ່າ: ກອງປະຊຸມສຳມະນາແມ່ນກາລະໂອກາດເພື່ອຫວນຄືນ, ແບ່ງປັນບັນດາຜົນງານທີ່ບັນລຸໄດ້ບົນເສັ້ນທາງແຫ່ງການສ້າງສາ ແລະ ປັບປຸງລະບອບນະໂຍບາຍເທື່ອລະກ້າວ ເພື່ອແນໃສ່ຊຸກຍູ້ບັນດາຄຸນຄ່າກ້າວໜ້າ ແລະ ຄວາມຍຸຕິທຳທາງສັງຄົມເພື່ອມະນຸດ. ທ່ານນາງປະທານສະພາແຫ່ງຊາດ ຫງວຽນທິກີມເງິນ ຢືນຢັນວ່າ: ໃນຕະຫລອດ 40 ປີຜ່ານມາ, ກຳມາທິການກ່ຽວກັບບັນດາບັນຫາສັງຄົມ ໄດ້ຢືນຢັນບົດບາດເປັນເສນາທິການ ແລະ ການປະກອບສ່ວນຢ່າງແທດຈິງຂອງຕົນເຂົ້າບັນດາຜົນງານສຳຄັນຂອງການພັດທະນາລະບອບນະໂຍບາຍສັງຄົມ. ດ້ວຍຄວາມຂະຫຍັນຂັນເຄື່ອນ, ມີຫົວຄິດປະດິດສ້າງ, ເສີມຂະຫຍາຍປັນຍາເປັນລວມໝູ່ ແລະ ປ່ຽນໃໝ່ຢ່າງບໍ່ຢຸດຢັ້ງ, ກຳມາທິການໄດ້ປະກອບສ່ວນຢ່າງຕັ້ງໜ້າເຂົ້າວິວັດທະນາການປ່ຽນໃໝ່, ເປີດກ້ວາງປະຊາທິປະໄຕໃນການເຄື່ອນໄຫວຂອງສະພາແຫ່ງຊາດ ແລະ ສ້າງອາລົມຈິດອັນສະໜິດສະໜົມຂອງປະຊາຊົນ, ຜູ້ມີສິດເລືອກຕັ້ງ. ທ່ານນາງປະທານສະພາແຫ່ງຊາດ ເຊື່ອໝັ້ນວ່າ ກຳມາທິການກ່ຽວກັບບັນດາບັນຫາສັງຄົມຊຸດທີ 14 ແລະ ບັນດາອາຍຸການຕໍ່ໄປຈະເສີມຂະຫຍາຍມູນເຊື້ອ, ປະກອບສ່ວນເຂົ້າພາລະກິດຊຸກຍູ້ບັນດາຄຸນຄ່າຍຸຕິທຳ ແລະ ຄວາມກ້າວໜ້າສັງຄົມໃນສະໄໝຍູ້ແຮງການຫັນປະເທດຊາດເປັນອຸດສາຫະກຳ ແລະ ທັນສະໄໝ ແລະ ເຊື່ອມໂຍງເຂົ້າກັບສາກົນ