ກອງປະຊຸມສຳມະນາກ່ຽວກັບສິລະປະຫວຽດນາມ ຢູ່ຝລັ່ງ
ກອງປະຊຸມສຳມະນາກ່ຽວກັບສິລະປະຫວຽດນາມ, ວິທະສຳພັດໃໝ່
(ພາບ: vietnamplus.vn)
(vovworld) – ກອງປະຊຸມສຳມະນາກ່ຽວກັບສິລະປະຫວຽດນາມ, ວິທີສຳພັດໃໝ່ ດຳເນີນໄປໃນວັນທີ 04/09, ຢູ່ຫໍພິພິດຕະພັນແຫ່ງຊາດອາຊີ Guimet. ນີ້ແມ່ນການເຄື່ອນໄຫວເປີດສາກໃຫ້ບັນດາເຫດການວັດທະນະທຳທີ່ພົ້ນເດັ່ນ ເຊິ່ງລວມມີງານວາງສະແດງພາບສີຂັດມັນ, ບັນດາກອງປະຊຸມສຳມະນາ, ການປຶກສາຫາລືໂຕະມົນ ແລະ ສາຍຮູບເງົາເອກະສານ ທີ່ດຳເນີນໄປຢູ່ບັນດາຫໍພິພິດຕະພັນ ແລະ ສະຖາບັນຄົ້ນຄວ້າສິລະປະປາຣີ.
ກ່າວຄຳເຫັນທີ່ພິທີໄຂ, ທ່ານເອກອັກຄະລັດຖະທູດຫວຽດນາມ ປະຈຳຝລັ່ງ ເຢືອງຈິຢຸງ ຊີ້ແຈ້ງວ່າ ນີ້ເປັນຄັ້ງທຳອິດທີ່ສິລະປະຫວຽດນາມ ໄດ້ຮັບການເຕື້ອງເຖິງແບບສັງລວມໃນຂອບເຂດກອງປະຊຸມສຳມະນາວິທະຍາສາດ. ນີ້ກໍ່ແມ່ນໂອກາດເພື່ອໃຫ້ວົງການນັກຄົ້ນຄ້ວາ ແລະ ນັກວິຊາການແລກປ່ຽນກ່ຽວກັບຈຸດທີ່ເປັນເອກະລັກສະເພາະຂອງສິລະປະຫວຽດນາມ, ການເຄື່ອນໄຫວ ແລະ ເຊື່ອມໂຍງຂອງສິລະປະຫວຽດນາມ, ບັນດາຮູບການ ແລະ ວິທີເຮັດຂອງຫວຽດນາມ ໃນການອະນູລັກຮັກສາ ແລະ ເສີມຂະຫຍາຍຄູນຄ່າສິລະປະ, ປະກອບສ່ວນເຂົ້າໃນພື້ນຖານວັດທະນະທຳທີ່ມີຫຼາຍຮູບຫຼາຍແບບຂອງໂລກ.