(vovworld) - ໂດຍກະກຽມໃຫ້ເລື່ອງໃຫ້ສັນຕະຍາບັນ ແລະ ຜັນຂະຫຍາຍສັນຍາຄູ່ຮ່ວມມື ແລະ ຮ່ວມມືຮອບດ້ານຫວຽດນາມ - ສະຫະພາບເອີລົບ (EU), ວັນທີ 23/10, ກະຊວງການຕ່າງປະເທດໄດ້ສົມທົບກັບຄະນະຜູ້ແທນ EU ປະຈຳຫວຽດນາມ ຈັດຕັ້ງກອງປະຊຸມສຳມະນາ “ສັນຍາຄູ່ຮ່ວມມື ແລະ ການຮ່ວມມືຮອບດ້ານ (PCA): ຂອບເຂດການຮ່ວມມືໃໝ່ໃຫ້ແກ່ການພົວພັນຫວຽດນາມ - EU”. ກອງປະຊຸມສຳມະນາໄດ້ປຶກສາຫາລື 3 ເນື້ອໃນຕົ້ນຕໍ; ແນະນຳ PCA ແລະ ຄວາມສຳຄັນຂອງສັນຍາທີ່ມີຕໍ່ການພົວພັນຫວຽດນາມ - EU; ຕີລາຄາແງ່ຫວັງ, ຄວາມສະດວກ ແລະ ສິ່ງທ້າທາຍໃນການຜັນຂະຫຍາຍ PCA ເພື່ອສ້າງທິດທາງຍຸດທະສາດຮ່ວມມືກັບ EU ແລະ ສະເໜີປື້ມກ່ຽວກັບ PCA.
ຕາມການຕີລາຄາຂອງທັງສອງຝ່າຍ, PCA ໄດ້ສ່ອງແສງບາດກ້າວພັດທະນາຢ່າງເລິກເຊິ່ງກວ້າງຂວາງຂອງການພົວພັນຫວຽດນາມ - EU ພາຍຫຼັງເວລາ 20 ກ່າວປີແຫ່ງການຮ່ວມມື, ນຳການພົວພັນກ້າວເຂົ້າສູ່ໄລຍະໃໝ່ດ້ວຍຂອບຂະໜາດໃຫຍ່ ແລະ ລະກັບການຮ່ວມມືເລິກເຊິ່ງກວ່າ.