ກອງປະຊຸມຮອງລັດຖະມົນຕີການເງິນ ແລະ ຮອງຜູ້ວ່າການທະນາຄານສູນກາງ APEC
(VOVWORLD) - ໃນຂອບເຂດກອງປະຊຸມລັດຖະມົນຕີກະຊວງການເງິນ APEC 2017, ຕອນເຊົ້າວັນທີ 20 ຕຸລາ, ຢູ່ໂຫ້ຍອານ, ແຂວງ ກວາງນາມ, ກະຊວງການເງິນໄດ້ສົມທົບກັບທະນາຄານແຫ່ງລັດ ຈັດຕັ້ງກອງປະຊຸມຮອງລັດຖະມົນຕີກະຊວງການເງິນ ແລະ ຮອງຜູ້ວ່າການທະນາຄານສູນກາງ APEC.
 ພາບປະກອບ |
ບົນພື້ນຖານການກຳນົດຫົວຂໍ້ແຫ່ງຊາດ APEC 2017 “ສ້າງກຳລັງໜູນໃໝ່, ພ້ອມກັນເພີ່ມພູນຄູນສ້າງໃຫ້ອະນາຄົດ”, ທີ່ກອງປະຊຸມ, ບັນດາຮອງລັດຖະມົນຕີການເງິນ ແລະ ຮອງຜູ້ວ່າການທະນາຄານສູນກາງໄດ້ປຶກສາຫາລື 4 ຫົວຂໍ້ບຸລິມະສິດຮ່ວມມືໃນປີ 2017, ເຊິ່ງລວມມີ: ການລົງທຶນໄລຍະຍາວໃຫ້ພື້ນຖານໂຄງລ່າງ; ຄວາມອ່ອນແອລົງຂອງພື້ນຖານພາສີອາກອນ ແລະ ເຄື່ອນຍ້າຍຜົນກຳໄລ; ການເງິນ ແລະ ປະກັນຄວາມສ່ຽງຈາກໄພທຳມະຊາດ; ການເງິນກວມລວມ. ໃນນັ້ນ, ຫົວຂໍ້ລົງທຶນໄລຍະຍາວໃຫ້ແກ່ພື້ນຖານໂຄງລ່າງເຂົ້າການແກ້ໄຂບັນດາບັນຫາເພື່ອແນໃສ່ລະດົມແຫຼ່ງທຶນຍາວນານຂອງພາກເອກະຊົນ ໃຫ້ແກ່ບັນດາໂຄງການພື້ນຖານໂຄງລ່າງ, ພິເສດແມ່ນກົນໄກຮັບປະກັນຜົນປະໂຫຍດ ແລະ ຫລຸດຜ່ອນຄວາມສ່ຽງໃຫ້ບັນດານັກລົງທຶນພາກເອກະຊົນ ເມື່ອເຂົ້າຮ່ວມໂຄງການລົງທຶນຕາມຮູບແບບຮ່ວມມືພາກລັດ - ພາກເອກະຊົນ (PPP).