ໃນບົດແຈ້ງຂ່າວ, ທຳນຽບຂາວໃຫ້ຮູ້ວ່າ: ທ່ານນາຍພົນ Joseph Dunford ປະທານສະພາເສນາທິການໃຫຍ່ທະຫານປະສົມ ອາເມລິກາ ພ້ອມກັບຄູ່ຕຳແໜ່ງ ສ. ເກົາຫຼີ ນາຍພົນ Park Han-ki ແລະ ຫົວໜ້າເສນາທິການໃຫຍ່ກຳລັງປ້ອງກັນຕົວ ຍີ່ປຸ່ນ ພົນເຮືອເອກ Katsutoshi Kawano ໄດ້ເປັນປະທານຮ່ວມກອງປະຊຸມປຶກສາຫາລືນີ້. 3 ຝ່າຍໄດ້ເຫັນດີເປັນເອກະພາບ ສືບຕໍ່ຮ່ວມມືໃນບັນດາບັນຫາປ້ອງກັນຄວາມສະຫງົບຮ່ວມ ແລະ ຊຸກຍູ້ການຮ່ວມມືຫລາຍຝ່າຍ ເພື່ອສັນຕິພາບ ແລະ ສະຖຽນລະພາບຢູ່ພາກພື້ນ ອາຊີຕາເວັນອອກສ່ຽງເໜືອ.