( vovworld ) – ວັນທີ 27/5, ກອງປະຊຸມເຈົ້າໜ້າທີ່ຂັ້ນສູງອາຊຽນ-ອິນເດຍ ຄັ້ງທີ 14 ໄດ້ດຳເນີນໄປຢູ່ນະຄອນຫຼວງພະນົມເປັນ ປະເທດກຳປູເຈຍ ເພື່ອຕີລາຄາບັນດາຄວາມຄຶບໜ້າທີ່ບັນລຸໄດ້ໃນການພົວພັນຮ່ວມມືລະຫວ່າງສອງຝ່າຍ, ພ້ອມທັງກຳນົດທິດທາງການຮ່ວມມືສອງຝ່າຍໃນອະນາຄົດ. ທີ່ກອງປະຊຸມ, ສອງຝ່າຍໄດ້ພ້ອມກັນປຶກສາຫາລືກ່ຽວກັບການພັດທະນາສາຍທາງບົກເຊື່ອມຕໍ່ອິນເດຍ-ມຽນມາ-ລາວ-ຫວຽດນາມ-ກຳປູເຈຍ ແລະ ໂຄງການເປີດກ້ວາງສາຍທາງບົກ 3 ຝ່າຍ ອິນເດຍ-ມ້ຽນມາ-ໄທ ໄປລາວ ແລະ ກຳປູເຈຍ. ສອງຝ່າຍໄດ້ພ້ອມກັນທົບທວນຄືນບັນດາຜົນງານແຫ່ງການປະຕິບັດໂຄງການດຳເນີນງານຄູ່ຮ່ວມມືອາຊຽນ-ອິນເດຍ ເພື່ອສັນຕິພາບ, ຄວາມກ້າວໜ້າ ແລະ ວັດທະນະຖາວອນລວມ (2010-2015), ເຂດການຄ້າເສລີອາຊຽນ-ອິນເດຍ ກໍຄືແລກປ່ຽນທັດສະນະກ່ຽວກັບບັນດາບັນຫາພາກພື້ນ ແລະ ສາກົນ ຕ່າງມີຄວາມສົນໃຈ. ກອງປະຊຸມເຈົ້າໜ້າທີ່ຂັ້ນສູງອາຊຽນ-ອິນເດຍ ຄັ້ງທີ 14 ໄດ້ຖືກຈັດຂຶ້ນເພື່ອແນໃສ່ກະກຽມໃຫ້ບັນດາກອງປະຊຸມຈຳເດືອນ ເນີນໄປໃນໄລຍະທີ່ຈະມາເຖິງຄື: ກອງປະຊຸມລັດຖະມົນຕີການຕ່າງປະເທດອາຊຽນຄັ້ງທີ 45 ແລະ ບັນດາກອງປະຊຸມຫຼັງກອງປະຊຸມຂັ້ນລັດຖະມົນຕີ; ເວທີປາໄສພາກພື້ນອາຊຽນ (ARF) ຄັ້ງທີ 19, ກອງປະຊຸມລັດຖະມົນຕີການຕ່າງປະເທດອາຊີຕາເວັນອອກ ຊື່ງຈັດຂຶ້ນແຕ່ວັນທີ 9-13/7, ກອງປະຊຸມຂັ້ນສູງອາຊຽນ-ອິນເດຍ ຄັ້ງທີ 10 ຈັດຂຶ້ນໃນເດືອນ 11/2012 ຢູ່ພະນົມເປັນ ປະເທດກຳປູເຈຍ