ທ່ານຮອງລັດຖະມົນຕີການຕ່າງປະເທດ ຫວຽດນາມ ຫງວຽນກວັກຢຸງ (ພາບ: TTXVN)

ນະທີ່ນີ້, ທ່ານຮອງລັດຖະມົນຕີການຕ່າງປະເທດ ຫວຽດນາມ ຫງວຽນກວັກຢຸງ ໄດ້ສະແດງຄວາມເຊື່ອໝັ້ນວ່າ ອິນເດຍ ຈະຜ່ານຜ່າບັນດາຄວາມຫຍຸ້ງຍາກ ແລະ ຄວບຄຸມສະພາບການໂລກລະບາດໂຄວິດ - 19 ທີ່ນັບມື້ນັບສັບສົນນີ້ໄດ້ໂດຍໄວ, ພ້ອມທັງຢັ້ງຢືນຄວາມສາມັກຄີ ແລະ ພ້ອມແລ້ວທີ່ຈະຄຽງບ່າຄຽງໄຫຼ່ ພ້ອມກັບ ອິນເດຍ ໃນຈຸດເວລາທີ່ຫຍຸ້ງຍາກນີ້.

        ທ່ານຮອງລັດຖະມົນຕີກະຊວງການຕ່າງປະເທດ ຫງວຽນກວັກຢຸງ ກໍຢັ້ງຢືນເຖິງຄວາມສຳຄັນຂອງການຮ່ວມມືຢູ່ທະເລສຳລັບສະພາບແວດລ້ອມຄວາມໝັ້ນຄົງ, ການເພີ່ມທະວີເສດຖະກິດ, ການພັດທະນາແບບຍືນຍົງຂອງບັນດາປະເທດ ແລະ ຊີວິດການເປັນຢູ່ຂອງປະຊາຊົນໃນພາກພື້ນ; ສະເໜີ ໃຫ້ ອາຊຽນ ແລະ ອິນເດຍ ຕ້ອງເພີ່ມທະວີການສົມທົບກັນຢ່າງແໜ້ນແຟ້ນໃນຂອບເຂດພາກພື້ນ ເພື່ອແນໃສ່ຊຸກຍູ້ການເຈລະຈາ ແລະ ຮ່ວມມື, ສ້າງຄວາມໄວ້ເນື້ອເຊື່ອໃຈ, ເຄົາລົບກົດໝາຍສາກົນ, ລວມທັງ UNCLOS 1982, ສະໜັບສະໜູນບັນດາຄວາມມານະພະຍາຍາມໃນການສ້າງ ແລະ ຖືບັນດາມາດຖານຂອງການປະພຶດເປັນສຳຄັນ ເປັນຕົ້ນແມ່ນ ຖະແຫຼງການ DOC ແລະ ກົດແຫ່ງການປະພຶດ COC.

        ທ່ານ ຫງວຽນກວັກຢຸງ ກໍປາດຖະໜາວ່າ ອິນເດຍ ຈະເພີ່ມທະວີການໜູນຊ່ວຍ ອາຊຽນ ຍົກສູງກຳລັງຄວາມສາມາດ ແລະ ຮ່ວມມືກັນດ້ານເຕັກນິກກ່ຽວກັບຄວາມໝັ້ນຄົງ, ຄວາມປອດໄພໃນການເດີນເຮືອ, ຮ່ວມມືບົນທະເລແບບຍືນຍົງ; ພ້ອມທັງສົມທົບກັນຢ່າງແໜ້ນແຟ້ນກັບ ອາຊຽນ ເພື່ອປັບປຸງ ແລະ ຍົກສູງປະສິດທິຜົນການເຄື່ອນໄຫວຂອງບັນດາກົນໄກ ແລະ ຂອບເຂດການຮ່ວມມືທະເລຢູ່ໃນພາກພື້ນ.