(vovworld) - ​ ​ກອງ​ປະຊຸມ​ໃຫຍ່​ການ​ແຂ່ງຂັນ​ຮັກ​ຊາດ​ຫ້ອງ​ວ່າການ​ສຳນັກງານປະທານ​ປະ​ເທດ​ເທື່ອ​ທີ 2 (2016 - 2020) ດຳ​ເນີນ​ໄປ​ໃນ​ຕອນ​ເຊົ້າ​ວັນ​ທີ 21/9 ຢູ່ ຮ່າ​ໂນ້ຍ, ທ່ານ​ນາງ​ຮອງ​ປະທານ​ປະ​ເທດ ຫວຽດນາມ ຫງວຽນ​ທິຢວາ​ມ, ຮອງ​ປະທານ​ຜູ້ທີ 1 ສະພາ​​ແຂ່ງຂັນ​ມອບ​ລາງວັນສູນ​ກາງ, ​​ເຂົ້າ​ຮ່ວມ​ກອງ​ປະຊຸມ​ໃຫຍ່. ທ່ານ​ນາງ​ຮອງ​ປະທານ​ປະ​ເທດ ຫວຽດນາມ ຫງວຽນ​ທິຢວາ​ມ ​ໄດ້​ຮັບ​ຮູ້ ​ແລະ ຕີ​ລາຄາ​ສູງ​ບັນດາ​ໝາກຜົນ​ຂອງ​ຫ້ອງ​ວ່າການ​ສຳນັກງານປະທານ​ປະເທດໃນ​ໄລຍະຜ່ານ​ມາ. ທ່ານ​ນາງ​ຮອງ​ປະທານ​ປະ​ເທດ ຫວຽດນາມ ຫງວຽນ​ທິຢວາ​ມ ຊີ້​ແຈ້ງວ່າ: ​ໃນ​ໄລຍະ​ຈະ​ມາ​ເຖິງ, ຫ້ອງ​ວ່າການສຳນັກງານ​ປະທານ​ປະ​ເທດ​ຕ້ອງ​ສືບ​ຕໍ່​ເສີມ​ຂະຫຍາຍ​ນ້ຳ​ໃຈ​ຮັກ​ຊາດ, ​ແຂ່ງຂັນ, ຍົກ​ສູງ​ຄຸນ​ນະພາ​ບຂອງ​ວຽກ​ງານ​ເສນາ​ທິການ​ໃຫ້​ປະທານ​ປະ​ເທດ, ຮອງ​ປະທານ​ປະ​ເທດ; ສຳ​ເລັດ​ໜ້າ​ທີ່​ໃນ​ໄລຍະ​ຈະ​ມາ​ເຖິງ. ທີ່​ກອງ​ປະຊຸມ​ໃຫຍ່, ທ່ານຫົວໜ້າ​ຫ້ອງ​ວ່າການ​ສຳນັກງານປະທານ​ປະ​ເທດ ດ່າວຫວຽດຈູງ ​ໄດ້ປຸກລະດົມ​ຂະ​ບວນການ​ແຂ່ງຂັນ​ຂອງ​ຫ້ອງ​ວ່າການ​ໄລຍະ 2016 – 2020 ດ້ວຍ​ຫົວ​ຂໍ້ “ສຸດ​ຈິດ​ສຸດ​ໃຈ, ມີ​ຫົວຄິດ​ປະດິດ​ສ້າງ, ວິຊາ​ສະ​ເພາະ, ມີ​ປະສິດທິ​ຜົນ, ​ແຂ່ງຂັນ, ປະຕິບັດ, ໜ້າ​ທີ່​ການ​ເມືອງ​ໄລຍະ 2016 – 2020 ຢ່າງ​ມີ​ໄຊ”.