ກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ (ພາບ: TTXVN)

ທ່ານ Jamale Chouaibi ເອກອັກຄະລັດຖະທູດ ມາຣົກປະຈຳ ຫວຽດນາມ ໄດ້ຕີລາຄາສູງວຽກງານຈັດຕັ້ງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດ ຫວຽດນາມ. ເມື່ອເຕື້ອງເຖິງການປະຕິບັດບັນດາເປົ້າໝາຍເຊິ່ງກອງປະຊຸມໃຫຍ່ຄັ້ງທີ 13 ຊອງພັກວາງອອກ, ທ່ານ Jamale Chouaibi ໄດ້ກ່າວວ່າປີ 2020 ແມ່ນປີທີ່ເຕັມໄປດ້ວຍຄວາມຫຍຸ້ງຍາກແຕ່ກໍ່ແມ່ນປີທີ່ປະສົບຜົນສຳເລັດໃນອາຍຸການທີ່ຜ່ານມາ, ເມື່ອຫວຽດນາມ ໄດ້ແກ້ໄຂທຸກໆຄວາມຫຍຸ້ງຍາກ, ສິ່ງທ້າທ້າຍ, ບັນລຸໄດ້ຜົນງານສຳຄັນ ແລະ ໄດ້ຮັບການຮັບຮູ້ ແລະ ຕີລາຄາສູງຈາກເພື່ອນມິດສາກົນ. ທ່ານ ກໍ່ເນັ້ນໜັກເຖິງຄວາມສຳຄັນ ແລະ ຜົນສະທ້ອນຂອງໝາກຜົນກອງປະຊຸມໃຫຍ່ຄັ້ງທີ 13 ຕໍ່ ເສດຖະກິດ - ສັງຄົມຂອງ ຫວຽດນາມໃນອະນາຄົດ. ທ່ານເອກອັກຄະລັດຖະທູດຢັ້ງຢືນວ່າ ຫວຽດນາມ ມີທີ່ຕັ້ງສຳຄັນຂອງປະເທດທີ່ຫາກໍ່ພົ້ນເດັ່ນຂຶ້ນ ແລະ ມີການພົວພັນຄູ່ຮ່ວມມືຍຸດທະສາດກັບບາງປະເທດໃຫຍ່ຢູ່ອາຊີ - ປາຊີຟິກ.

        ທ່ານ Nadav Eshcar ເອກອັກຄະລັດຖະທູດ ອິດສະລາແອັນ ປະຈຳ ຫວຽດນາມ ໃຫ້ຮູ້ວ່າ ໃນຕະຫຼອດໄລຍະ 20 ປີທີ່ຜ່ານມາ, ຫວຽດນາມ ໄດ້ບັນລຸການເຕີບໂຕຢູ່ລະດັບສູງ ແລະ ສະໝ່ຳສະເໝີ ແລະ ນັບມຶື້ນັບຢັ້ງຢືນໄດ້ອິດທິພົນຊື່ສຽງ, ທີ່ຕັ້ງບົດບາດຂອງຕົນໃນເວທີສາກົນ.

        ທ່ານ Mohamed Djouadj ປະທານສະຫະສະມາຄົມ Vovinam ອາຟຼິກກາ, ທັງເປັນປະທານ ສະຫະສະມາຄົມ Vovinam ອານເຊຣີ ຢັ້ງຢືນວ່າ ກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ ຈະບັນລຸໄດ້ໝາກຜົນທີ່ຕັ້ງໜ້າຫຼາຍຢ່າງ ເພື່ອຮັບໃຊ້ໃຫ້ແກ່ປະຊາຊົນ ຫວຽດນາມ, ປະກອບສ່ວນເຂົ້າໃນການພັດທະນາ, ກ້າວໜ້າ ແລະ ວັດທະນາຖາວອນຂອງປະເທດຊາດ.