(vovworld) – ​ໃນ​ຂອບ​ເຂດ​ການ​ຢ້ຽມຢາມ ​ແລະ ​ເຮັດ​ວຽກ​ຢູ່ ລາວ ​ແຕ່​ວັນ​ທີ 19 – 22/12, ວັນ​ທີ 21/12, ຄະນະ​ຜູ້​ແທນ​ຂັ້ນ​ສູງ​ກະຊວງ​ພາຍ​ໃນ ຫວຽດນາມ ​ໂດຍ​ທ່ານ ​ເຈີ່ນ​​ແອ​ງຕ໋ວນ ລັດຖະມົນຕີ​ຊ່ວຍ​ວ່າການ​ເປັນ​ຫົວໜ້າ​ຄະນະ ​ໄດ້ພົບ​ປະ​ເຈລະຈາ​ກັບ​ຄະນະ​ຜູ້​ແທນ​ກະຊວງ​ພາຍ​ໃນ ລາວ ​ໂດຍ​ທ່ານ ຄຳ​ມູນ ວິ​ພົງ​ໄຊ ລັດຖະມົນຕີ​ຊ່ວຍ​ວ່າການ​ກະຊວງ​ພາຍ​ໃນ ລາວ ​ເປັນ​ຫົວ​ໜ້າ​ຄະນະ. 2 ຝ່າຍ​ເຫັນ​ດີ​ເປັນ​ເອກະສັນ​ເພີ່ມ​ທະວີ​ການ​ພົວພັນ​ຮ່ວມ​ມື, ​ແລກປ່ຽນ​ຂໍ້​ມູນ​ຂ່າວສານ, ​ແບ່ງປັນ​ບົດຮຽນ​ໃນ​ວຽກ​ງານ​ຈັດ​ຕັ້ງ​ການ​ບໍລິຫານ, ພາລະກິດ​ແຫ່ງ​ລັດ; ອຳນາດ​ການ​ປົກຄອງ​ຂັ້ນ​ທ້ອງ​ຖິ່ນ,ອານາ​ເຂດ​ການ​ບໍລິຫານ; ພະນັກງານລັດຖະກອນ; ການ​ແຂ່ງຂັນ​ມອບ​ລາງວັນ…2 ຝ່າຍ​ເຫັນ​ດີ​ເປັນ​ເອກະ​ພາບ​ສົມທົບ​ກັນ​ຈັດ​ຕັ້ງ​ກອງ​ປະຊຸມ​ສຳ​ມະ​ນາ, ບັນດາ​ການ​ເຄື່ອນ​ໄຫວ​ຄົ້ນຄວ້າ​ວິທະຍາສາດ, ຖ່າຍ​ທອດ​ບົດຮຽນ, ​ເປີດ​ຊຸດ​ອົບ​ຮົມ.

        ສິ້ນ​ສຸດການ​ພົບ​ປະ​ເຈລະຈາ, ຕາງໜ້າ​ກະຊວງ​ພາຍ​ໃນ​ 2 ປະ​ເທດ, ທ່ານ ​ເຈີ່ນ​ແອງຕ໋ວນ ລັດຖະມົນຕີ​ຊ່ວຍ​ວ່າການກະຊວງ​ພາຍ​ໃນ ຫວຽດນາມ ​ແລະ ທ່ານ ຄຳ​ມູນ ວິ​ພົງ​ໄຊ ລັດຖະມົນຕີ​ຊ່ວຍ​ວ່າ​ການກະຊວງ​ພາຍ​ໃນ ລາວ ​ໄດ້​ລົງ​ນາມ​ໃນ​ບົດ​ບັນທຶກການ​ຮ່ວມ​ມື​ໄລຍະ 2016 – 2020 ລະຫວ່າງ​ 2 ກະຊວງ​ພາຍ​ໃນ ຫວຽດນາມ ​ແລະ ລາວ.