(​vovworld) – ​ໂດຍ​ປະຕິບັດຕາມ​ແຜນ​ຮ່າງ “ພັ​ດທະ​ນາການ​ແພດ​ທະ​ເລ, ໝູ່​ເກາະ ຫວຽດນາມ ຮອດ​ປີ 2020” ​ແລະ ລາຍການ “ຂະ​ແໜງ​ສາທາລະນະ​ສຸກ​ພ້ອມ​ກັບ​ຊາວ​ປະມົງ​ຕິດ​ພັນ​ກັບ​ທະ​ເລ”, ​ແຕ່​ວັນ​ທີ 24 – 27/7, ທ່ານ​ນາງ ຫງວຽນ​ທິກິມຕຽນ, ລັດຖະມົນຕີ​ກະຊວງ​ສາທາລະນະ​ສຸກ ຫວຽດນາມ ພ້ອມ​ກັບ​ຄະນະ​ປະຕິບັດ​ງານ​ຂອງ​ກະຊວງ​ຈະ​ມອບ​ຕູ້​ຢາ​ພະຍາບານ​ສຸກ​ເສີນ 545 ຕູ້​ໃຫ້​ແກ່​ຊາວ​ປະມົງ​ທີ່​ໄປ​ຫາ​ປາ​ຢູ່​ໄກ​ຝັ່ງ​ຂອງ​ບັນດາ​ແຂວງ ຮ່າ​ຕິ້ງ, ກວາງ​ບິ່ງ ​ແລະ ນະຄອນ ດ່າ​ໜັ້ງ. ທ່ານ​ນາງລັດຖະມົນຕີ​ກະຊວງ​ສາທາລະນະ​ສຸກ ຫງວຽນ​ທິກິມຕຽນ, ​ໃຫ້​ຮູ້​ວ່າ:

    “​ໄລຍະ​ຈະ​ມາ​ເຖິງ, ກະຊວງ​ສາທາລະນະ​ສຸກ​ຈະ​ມອບ​ບັນດາ​ອຸປະກອນຜ່າຕັດ​ນ້ອຍ​ໃຫ້​ກຳລັງ​ທະຫານ​ເຮືອ​ທີ່​ປະຕິບັດ​ໜ້າ​ທີ່ຢູ່​ທະ​ເລ. ພວກ​ຂ້າພະ​ເຈົ້າ​ເຫັນ​ດີ​ເປັນ​ເອກະສັນ​ວ່າ​ໃນ​ປີ​ນີ້ ​ແລະ ປີ​ກາຍ, ຈະ​ຍູ້​ໄວ​ຄວາມ​ຄືບ​ໜ້າ​ໃນການ​ປະຕິບັດ​ແຜນຮ່າງພັດທະນາ​ການ​ແພດ​ທະ​ເລ, ໝູ່​ເກາະ. ປະຕິບັດ​ແຜນ​ຮ່າງ​ທ່ານໝໍ​ໜຸ່ມ, ​ເກັ່ງ ​ສະໝັກ​​ໃຈໄປ​ເຮັດ​ວຽກ​ຢູ່​ບ່ອນ​ປະສົບ​ກັບ​ຄວາມ​ຫຍຸ້ງຍາກ, ມີ​ທ່ານໝໍ​ບາງ​ຄົນ​ໄດ້​ໄປ​ເຮັດ​ວຽກ​ຢູ່​​ເຂດ​ທະ​ເລ, ໝູ່​​ເກາະ​ແລ້ວ.”