ກອງປະຊຸມທາງອອນລາຍ “ເພີ່ມທະວີວຽກງານປ້ອງກັນ, ສະກັດກັ້ນໂລກລະບາດໂຄວິດ-19” (ພາບ: moh.gov.vn)

ທີ່ກອງປະຊຸມທາງອອນລາຍ “ເພີ່ມທະວີວຽກງານປ້ອງກັນ, ສະກັດກັ້ນໂລກລະບາດໂຄວິດ-19” ກັບ 63 ແຂວງ, ນະຄອນ ເຊິ່ງດຳເນີນໃນຕອນເຊົ້າວັນທີ 16 ເມສາ, ທ່ານລັດຖະມົນຕີກະຊວງສາທາລະນະສຸກຫວຽດນາມ ຫງວຽນແທັງລອງ ໄດ້ຮຽກຮ້ອງໃຫ້ບັນດາທ້ອງຖິ່ນຕ້ອງປະຕິບັດການສັກວັກຊິນກັນໂຄວິດ-19 ສຳເລັດກ່ອນວັນທີ 05 ພຶດສະພາ ທີ່ຈະມາເຖິງ:

        “ປະຈຸບັນ, ວັກຊິນກັນໂຄວິດ-19 ໄດ້ສົ່ງເຖິງທ້ອງຖິ່ນແລ້ວ, ສະນັ້ນ ກະຊວງສາທາລະນະສຸກຮຽກຮ້ອງວ່າ ບັນດາທ້ອງຖິ່ນຕ້ອງຈັດຕັ້ງການສັກວັກຊິນໂດຍໄວ, ສຳລັບໂຄງການສັກວັກຊິນເປີດກວ້າງແຫ່ງຊາດຄືພວກເຮົາໄດ້ຮູ້ນຳກັນວ່າ ຕ້ອງສິ້ນສຸດການສັກວັກຊິນ 811 ໂດສກ່ອນວັນທີ 5 ພຶດສະພາ”.

        ທ່ານລັດຖະມົນຕີ ຫງວຽນທັງລອງ ໃຫ້ຮູ້ວ່າ, ທາງກະຊວງໄດ້ຈັດການປະຊຸມເປັນຫຼາຍຄັ້ງກັບບັນດານັກຊ່ຽວຊານແຖວໜ້າຂອງຂະແໜງກ່ຽວກັບວຽກງານສັກວັກຊິນດ້ວຍຄວາມປອດໄພ, ວາງຄາດໝາຍວ່າ “ສັກວັກຊິນຮອດໃສແມ່ນປອດໄພຮອດນັ້ນ”.