( vovworld ) - ຕອນບ່າຍວັນທີ 4/6, ຢູ່ຮ່າໂນ້ຍ, ກະຊວງແຮງງານທະຫານເສຍອົງຄະ ແລະ ສັງຄົມສົມທົບກັບສູນກາງຊາວໜຸ່ມກອມມູນິດໂຮ່ຈິມິນ ຈັດຕັ້ງພິທີລົງນາມໃນໂຄງການສົມທົບການເຄື່ອນໄຫວໄລຍະ 2011 – 2017. ໂຄງການລວມມີ 3 ເນື້ອໃນຕົ້ນຕໍ່ນັ້ນແມ່ນ: ໂຄສະນາປະກອບສ່ວນຍົກສູງຄວາມຮັບຮູ້ໃນໝູ່ຊາວໜຸ່ມເຍົາວະຊົນ ແລະ ສັງຄົມ ກ່ຽວກັບບັນດານະໂຍບາຍຂອງລັດໃນຂົງເຂດແຮງງງານ; ສົມທົບກັນຜັນຂະຫຍາຍການເຄື່ອນໄຫວແນະນຳວິຊາຊີບ, ສອນວິຊາຊີບ ແລະ ແກ້ໄຂວຽກເຮັດງານທຳ ໃຫ້ແກ່ຊາວໜຸ່ມ; ເພີ່ມທະວີການເຄື່ອນໄຫວປ້ອງກັນ, ຕ້ານໄພສັງຄົມໃນໝູ່ຊາວໜຸ່ມເຍົາວະຊົນ; ສືບຕໍ່ຜັນຂະຫຍາຍການເຄື່ອນໄຫວຕອບບຸນແທນຄຸນຢ່າງມີປະສິດທິຜົນ… ຕາມທ່ານນາງລັດຖະມົນຕີກະຊວງແຮງງານທະຫານເສຍອົງຄະ ແລະ ສັງຄົມ Pham Thi Hai Chuyen ແລ້ວ, ໜື່ງໃນບັນດາເນື້ອໃນຈຸດສຸມຂອງໂຄງການສົມທົບກັນນັ້ນແມ່ນ ສອນວິຊາຊີບ ແລະ ສ້າງວຽກເຮັດງານທຳໃຫ້ແກ່ຊາວໜຸ່ມ.
“ ປະຈຸບັນ, ບັນດາຊາວໜຸ່ມເວົ້າລວມ ແລະ ວຽກເຮັດງານທຳຂອງຊາວໜຸ່ມເວົ້າສະເພາະ ໄດ້ກ່າຍເປັນຄວາມເອົາໃຈໃສ່ບໍ່ພຽງແຕ່ສຳລັບຫວຽດນາມ ເທົ່ານັ້ນ, ຫາກຫຼາຍປະເທດຢູ່ໃນໂລກອີກດ້ວຍ. ໃນສັງຄົມປະຈຸບັນ, ຊາວໜຸ່ມທີບໍ່ມີວຽກເຮັດງານທຳພາກສ່ວນໜື່ງ ໄດ້ກໍ່ໃຫ້ເກີດຄວາມຫຍໍ້ທໍ້, ໄພສັງຄົມ, ບໍ່ເອົາໃຈໃສ່ເຖິງທຸກຄົນ… ຍ້ອນເຫດນັ້ນ, ພັກ, ລັດຈຶ່ງມີຄວາມເອົາໃຈໃສ່ເຖິງບັນຫາຂອງຊາວໜຸ່ມ. ດັ່ງນັ້ນ, ເລື່ອງສົມທົບລະຫວ່າງກະຊວງແຮງງານທະຫານເສຍອົງຄະ ແລະ ສັງຄົມກັບສູນກາງຊາວໜຸ່ມ ແມ່ນເພື່ອຫັນບັນດານະໂຍບາຍຂອງພັກ, ລັດທີ່ມີຕໍ່ຊາວໜຸ່ມ, ເຍົາວະຊົນເປັນລະອຽດ ແມ່ນມີຄວາມໝາຍ ແລະ ມີຄວາມຈຳເປັນ ”.