ການກໍ່ການຮ້າຍຢູ່ ໄຮຕິ: UNICEF ກ່າວເຕືອນຄວາມສ່ຽງເກີດວິນາດສະກຳມະນຸດສະທຳ
(VOVWORLD) - ຜູ້ຕາງໜ້າ UNICEF ປະຈຳ ໄຮຕິ, ທ່ານ Bruno Maes ຖະແຫຼງວ່າ ການປຸ້ນສະດົມບັນດາແຫຼ່ງສະໜອງເຄື່ອງອຸປະກອນການແພດທີ່ສຳຄັນສຳລັບເດັກໃນຈຸດເວລາທີ່ ລະບົບສາທາລະນະສຸກຖືກຊຸດໂຊມນັ້ນ ແມ່ນລະເມີດສິດທິເດັກ.
 ປະຊາຊົນ ໄຮຕິ ໄປເອົານ້ຳ (ພາບ:Reuters) |
ທ່າກ່ຳປັ່ນໃຫຍ່ຢູ່ນະຄອນຫຼວງ Port – au – Prince ຂອງ ໄຮຕີ ສືບຕໍ່ຖືກບັນດາກຸ່ມປະກອບອາວຸດ ປຸ້ນມ້າງທຳລາຍ. ຄຼິບວິດີໂອໃນສື່ສັງຄົມ ໄດ້ຊີ້ໃຫ້ເຫັນວ່າ ມີນັບຮ້ອຍຄົນໄດ້ປຸ້ນສະດົມບັນດາຕູ້ຄອນເທນເນີ, ລວມທັງເຄື່ອງຊ່ວຍເຫຼືອ ໂດຍຫຼາຍອົງການຊ່ວຍເຫຼືອມະນຸດສະທຳສາກົນສົ່ງໄປ ໄຮຕິ.
ຜູ້ຕາງໜ້າ UNICEF ປະຈຳ ໄຮຕິ, ທ່ານ Bruno Maes ຖະແຫຼງວ່າ ການປຸ້ນສະດົມບັນດາແຫຼ່ງສະໜອງເຄື່ອງອຸປະກອນການແພດທີ່ສຳຄັນສຳລັບເດັກໃນຈຸດເວລາທີ່ ລະບົບສາທາລະນະສຸກຖືກຊຸດໂຊມນັ້ນ ແມ່ນລະເມີດສິດທິເດັກ. ຜູ້ຕາງໜ້າ UNICEF ຮຽກຮ້ອງໃຫ້ຢຸດຕິການກະທຳດັ່ງກ່າວໃນທັນທີ ເພື່ອຄວາມເປັນຕາຍຂອງເດັກ, ພ້ອມທັງຮັບປະກັນຄວາມປອດໄພໃຫ້ແກ່ການເຂົ້າເຖິງດ້ານມະນຸດສະທຳ. ຖ້າການໃຊ້ຄວາມຮຸນແຮງບໍ່ຢຸດຕິລົງ ແລະ ບັນດາຊ່ອງທາງພະລາທິການທີ່ຈຳເປັນບໍ່ໄດ້ເຄື່ອນໄຫວຄືນໃໝ່, ວິກິດການສາທາລະນະສຸກ ຈະຍິ່ງຮ້າຍແຮງກວ່າອີກ.