(vovworld) - ການຊ້ອມຮົບ “ງູເຫົ່າຄຳ2014” ແມ່ນການຊ້ອມຮົບດ້ານການທະຫານຫຼາຍຝ່າຍຄັ້ງທີ 33, ໂດຍໄທ ແລະ ອາເມລິກາ ຮ່ວມກັນຈັດຂຶ້ນ, ພິທີໄຂຖືກດຳເນີນຢູ່ແຂວງ ພິດສະນຸໂລກ ທາງທິດພາກເໜືອໄທ ໃນວັນທີ 11/2.
ທີ່ການຊ້ອມຮົບປີນີ້, ນອກຈາກການເຂົ້າຮ່ວມຂອງບັນດາກຳລັງປະກອບອາວຸດຂອງ 7 ປະເທດສະມາຊິກຄື : ໄທ, ອາເມລິກາ, ຍີ່ປຸ່ນ, ສ ເກົາຫຼີ, ສິງກະໂປ, ອິນໂດເນເຊຍ ແລະ ມາເລເຊຍ ແລ້ວ, ຢ່າງໜ້ອຍສຸດກໍ່ມີ 20 ປະເທດອື່ນອີກ, ໃນນັ້ນ ມີ ຈີນ, ມຽນມາ ແລະ ອັງກິດໄດ້ສົ່ງຜູ້ສັງເກດການເຂົ້າຮ່ວມ. ນີ້ແມ່ນຄັ້ງທຳອິດ ຈີນ ໄດ້ສົ່ງນັກຮົບເຂົ້າຮ່ວມການຊ້ອມຮົບ “ງູເຫົ່າຄຳ”.
ນັກຮົບກ່ວາ 13.000 ຄົນທີ່ມາຈາກບັນດາປະເທດເຂົ້າຮ່ວມບັນດາການເຄື່ອນໄຫວຊ້ອນຮົບ, ເອົາໃຈໃສ່ເຖິງຂົງເຂດຊ່ວຍເຫຼືອມະນຸດສະທຳໃນກໍລະນີເກີດວິກິດການ ແລະ ວຽກງານຫລຸດຜ່ອນຜົນຮ້າຍຈາກໄພທຳມະຊາດ. ຕາມບັນດາເຈົ້າໜ້າທີ່ປ້ອງກັນປະເທດແລ້ວ, ການຊ້ອມຮົບຄັ້ງນີ້ ໄດ້ຮັບການປະຕິບັດແມ່ນເພື່ອແນໃສ່ຊຸກຍູ້ຄວາມສະຫງົບ ແລະ ຮັບມືກັບບັນດາວິກິດການຢູ່ພາກພື້ນ ອາຊີ - ປາຊີຟິກ ຢ່າງມີປະສິດທິຜົນ, ໂດຍຜ່ານກຳລັງຂອງນາໆຊາດພ້ອມກັນແບ່ງປັນຈຸດໝາຍ ແລະ ບັນດາຄຳໝັ້ນສັນຍາກ່ຽວກັບການປ້ອງກັນຄວາມສະຫງົບ.
ຄາດວ່າ, ການຊ້ອມຮົບປີນີ້ຈະສິ້ນສຸດລົງໃນວັນທີ 21/2.