ນີ້ແມ່ນການຊ້ອມຮົບທາງອາກາດໃຫຍ່ກວ່າໝູ່ ໂດຍກອງທັບອາກາດ, ທະຫານບົກ, ທະຫານເຮືອ ເປັນເຈົ້າພາບຈັດຕັ້ງ ແລະ ຈະແກ່ຍາວຮອດວັນທີ 30 ພະຈິກ. ຕາມແຜນການ, ບຣາຊິນ, ການາດາ, ຈີເລ, ຝລັ່ງ, ເປຣູ, ອູຣູກວາຍ ແລະ ອາເມລິກາ ເຂົ້າຮ່ວມການຊ້ອນຮົບສົມມຸດຖານເກີດສົງຄາມທາງອາກາດກັບເຮືອບິນສູ້ຮົບທີ່ທັນສະໄໝ, ໃນຂະນະທີ່, ໂບລີເວຍ, ອິນເດຍ, ຊູແອດ, ອັງກິດ ແລະ ເວເນຊູເອລາ ແມ່ນບັນດາປະເທດສັງເກດການ. ນອກນັ້ນ, ກຳລັງພິເສດຂອງປອກຕຸຍການ ແລະ ຝລັ່ງ ກໍ່ເຂົ້າຮ່ວມການຊ້ອມຮົບ ດ້ວຍຖານະເປັນນັກບັນລະຍາຍທີ່ກອງປະຊຸມສຳມະນາກ່ຽວກັບການນຳໃຊ້ກຳລັງແຮງເຫຼົ່າທັບອາກາດໃນບັນດາໜ້າທີ່ຮັບຜິດຊອບຂອງສະຫະປະຊາຊາດ.

        ການຊ້ອມຮົບຈະຊ່ວຍໃຫ້ກອງທັບບັນດາປະເທດ ມີກາລະໂອກາດໄດ້ສົມທົບກັນຊ້ອມຮົບ, ຝຶກຊ້ອມ, ແລກປ່ຽນບົດຮຽນ, ປະກອບສ່ວນຊຸກຍູ້ການພົວພັນລະຫວ່າງບັນດາປະເທດ ເພື່ອແນໃສ່ຮັບມືກັບບັນດາສິ່ງທ້າທາຍລວມ.