ຕອນເຊົ້າວັນທີ 21 ທັນວາ, ຢູ່ ແຂວງຫວິງຟຸກ ຂອງຫວຽດນາມ, ທ່ານຮອງນາຍົກລັດຖະມົນຕີຫວຽດນາມ ຈິ້ງດິ່ງຢຸງ ໄດ້ເປັນປະທານກອງປະຊຸມກໍານົດທິດດຶງດູດ ແລະ ນໍາໃຊ້ເງິນລົງທຶນຈາກຕ່າງປະເທດໃນໄລຍະຈະມາເຖິງ ເພື່ອໃຫ້ລັດຖະບານ ແລະ ບັນດາກະຊວງ, ຂະແໜງການພົບປະ, ແລກປ່ຽນ ແລະ ສົນທະນາກັບບັນດານັກລົງທຶນຕ່າງປະເທດ ກ່ຽວກັບການດຶງດູດ ແລະ ນໍາໃຊ້ເງິນລົງທຶນຈາກຕ່າງປະເທດຢູ່ຫວຽດນາມ. ກອງປະຊຸມນອນໃນບັນດາເຫດການສະຫຼຸບ, ຕີລາຄາ ກ່ຽວກັບການນໍາໃຊ້ເງິນລົງທຶນຈາກຕ່າງປະເທດ ຢູ່ ຫວຽດນາມ ໃນຕະຫຼອດ 30 ປີຜ່ານມາ.

ກອງປະຊຸມ  ກໍານົດທິດເພື່ອດຶງດູດ ແລະ ນໍາໃຊ້ເງິນລົງທຶນຈາກຕ່າງປະເທດໃຫ້ມີປະສິດທິຜົນກວ່່າ (ພາບ: VGP)

        ຕາມການຕີລາຄາຂອງກະຊວງແຜນການ ແລະ ການລົງທຶນຫວຽດນາມແລ້ວ, ໂດຍປະຕິບັດຕາມແນວທາງປ່ຽນແປງໃໝ່ຂອງພັກ ນັບແຕ່ປີ 1986 ມາຮອດປັດຈຸບັນ, ຫວຽດນາມ ບັນລຸໄດ້ບັນດາຜົນງານພັດທະນາເສດຖະກິດ - ສັງຄົມອັນໃຫຍ່ຫຼວງ ແລະ ມີຄວາມໝາຍປະຫວັດສາດ, ເຊື່ອມໂຍງຢ່າງເລິກເຊິ່ງກວ້າງຂວາງເຂົ້າກັບພາກພື້ນ ແລະ ໂລກ.ໄປຄຽງຄູ່ກັນນັ້ນ, ກໍຍັງມີຂໍ້ຄົງຄ້າງຫຼາຍຢ່າງ. ໃນສະພາບການນັ້ນ, ຄະນະນໍາພັກ, ລັດຖະບານ ໄດ້ຊີ້ນໍາຄະນະພັກກະຊວງແຜນການ ແລະ ການລົງທຶນ ສົມທົບກັບບັນດາອົງການທີ່ມີສ່ວນກ່ຽວຂ້ອງເຖິງການສ້າງແຜນຮ່າງ “ກໍານົດທິດສ້າງກົນໄກ, ນະໂຍບາຍໃຫ້ສົມບູນແບບຍົກສູງຄຸນນະພາບ, ປະສິດທິຜົນດຶງດູດ ແລະ ນໍາໃຊ້ນັກລົງທຶນຕ່າງປະເທດຮອດປີ 2030 ”. ເປົ້າໝາຍຂອງແຜນຮ່າງ ແມ່ນຕີລາຄາຜົນແຫ່ງການປະຕິບັດແນວທາງ, ແຜນນະໂຍບາຍ, ນະໂຍບາຍສໍາຄັນຂອງພັກ ແລະ ລັດ ກ່ຽວກັບການລົງທຶນຈາກຕ່າງປະເທດ, ການປະກອບສ່ວນຂອງນັກລົງທຶນຕ່າງປະເທດ ສໍາລັບພື້ນຖານເສດຖະກິດ, ວິເຄາະວິໄຈສາເຫດຂອງບັນດາຜົນງານ, ຂໍ້ຈໍາກັດ, ບັນຫາຮ້ອນເຮັ່ງ ເພື່ອຖອດຖອນບົດຮຽນຕ່າງໆ... ບັນດາຄໍາເຫັນປຶກສາຫາລືທີ່ກອງປະຊຸມ ຈະໄດ້ສືບຕໍ່ຮັບເອົາເພື່ອປັບປຸງແຜນຮ່າງ ທີ່ມີບົດບາດສໍາຄັນເປັນພິເສດນີ້ ໃຫ້ສົມບູນແບບ.