ການທູດຫວຽດນາມ ເປັນເຈົ້າການ, ຕັ້ງໜ້າ ເຊື່ອມໂຍງເຂົ້າກັບສາກົນ

ວັນອັງຄານ ທີ 17 ທັນວາ ຄ.ສ. 2013 | 13:18:32

(ທ່ານ ຟ້າມບິ່ງມິງ, ກຳມະການສູນກາງພັກ, ຮອງນາຍົກລັດຖະມົນຕີ
ກ່າວຄຳເຫັນທີ່ພິທີໄຂກອງປະຊຸມ)

(vovworld) - ກອງປະຊຸມການທູດຄັ້ງທີ 28 ຖືກໄຂຂຶ້ນໃນຕອນເຊົ້າວັນທີ 16/12, ຢູ່ຮ່າໂນ້ຍ, ດ້ວຍຫົວຂໍ້ວ່າ ການທູດຫວຽດນາມ ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນ. ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ໄດ້ເຂົ້າຮ່ວມ ແລະ ກ່າວປາໄສທີ່ກອງປະຊຸມ.

ກ່າວຄຳເຫັນທີ່ພິທີໄຂກອງປະຊຸມ, ທ່ານ ຟ້າມບິ່ງມິງ, ກຳມະການສູນກາງພັກ, ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ເນັ້ນໜັກວ່າ ກອງປະຊຸມການທູດຄັ້ງທີ 28 ມີເນື້ອໃນສຳຄັນພິເສດນັ້ນແມ່ນ ສຳຫຼວດກວດກາ, ຕີລາຄາການຜັນຂະຫຍາຍແນວທາງການຕ່າງປະເທດ ແລະ ແຜນນະໂຍບາຍເຊື່ອມໂຍງເຂົ້າກັບສາກົນໃນເຄິ່ງອາຍຸການກອງປະຊຸມໃຫຍ່ຂອງພັກຊຸດທີ 11, ສືບຕໍ່ກຳນົດບັນດາມາດຕະການຢ່າງຮອບດ້ານ, ມີປະສິດທິຜົນເພື່ອປະຕິບັດແນວທາງການຕ່າງປະເທດຂອງພັກໃນຊຸມປີຈະມາເຖິງຢ່າງມີໄຊ.

“ໃນສະພາບທີ່ຍັງມີເວລາພຽງ 7 ປີເພື່ອປະຕິບັດສຳເລັດການຫັນປະເທດຊາດເປັນອຸດສາຫະກຳ, ທັນສະໄໝ ແລະ ອີກ 2 ປີເພື່ອປະຕິບັດສຳເລັດການກໍ່ສ້າງປະຊາຄົມອາຊຽນໃນປີ 2015, ການຕ່າງທູດຕ້ອງລົງເລິກບັນດາຂົງເຂດພົວພັນກັບຄວາມຕ້ອງການພັດທະນາຂອງປະເທດຊາດ, ໜູນຊ່ວຍການປະຕິບັດບັນດາຈຸດໝາຍຂອງຍຸດທະສາດພັດທະນາເສດຖະກິດສັງຄົມຮອດປີ 2020. ພວກເຮົາຄວນສືບຕໍ່ລົງເລີກ, ຄົ້ນຄວ້າ, ສະເໜີບັນດາມາດຕະການຍູ້ແຮງການຜັນຂະຫຍາຍຢ່າງຄົບຊຸດ, ຮອບດ້ານບັນດາການເຄື່ອນໄຫວພົວພັນຕ່າງປະເທດໃນທຸກຂົງເຂດຄື: ວັດທະນະທຳ, ສື່ສານ - ໂຄສະນາ, ວຽກງານຊາວຫວຽດນາມ ອາໄສຢູ່ຕ່າງປະເທດ, ປົກປ້ອງພົນລະເມືອງ; ເພີ່ມທະວີການສົມທົບລະຫວ່າງການຕ່າງປະເທດ - ປ້ອງກັນຊາດ, ປ້ອງກັນຄວາມສະຫງົບຢ່າງແໜ້ນແຟ້ນ ເພື່ອແນໃສ່ປະຕິບັດຈຸດໝາຍລວມແມ່ນຮັກສາສັນຕິພາບ, ສະຖຽນລະພາບ ແລະ ການພັດທະນາຢ່າງມີໄຊ.”

ການທູດຫວຽດນາມ ເປັນເຈົ້າການ, ຕັ້ງໜ້າ ເຊື່ອມໂຍງເຂົ້າກັບສາກົນ - ảnh 2

(ທ່ານເລຂາທິການໃຫຍ່ ຫງວຽນຟຸຈ້ອງ ກ່າວປາໄສທີ່ກອງປະຊຸມ)

ຍ້ອງຍໍບັນດາຜົນງານດີເດັ່ນຂອງຂະແໜງການທູດໃນຊຸມປີຜ່ານມາ, ທ່ານເລຂາທິການໃຫຍ່ ຫງວຽນຟຸຈ້ອງ ຊີ້ແຈ້ງວ່າ.

“ຂະແໜງການທູດຄວນສືບຕໍ່ສວນບົດບາດນຳໜ້າໃນການຮັບປະກັນສະພາບແວດລ້ອມສັນຕິພາບທີ່ສະດວກໃຫ້ແກ່ພາລະກິດສ້າງສາ ແລະ ປົກປັກຮັກສາປະເທດຊາດ, ປະຕິບັດການຫັນປະເທດຊາດເປັນປະເທດອຸດສາຫະກຳ, ທັນສະໄໝ ແລະ ບັນດາໜ້າທີ່ຍຸດທະສາດກ່ຽວກັບການພັດທະນາເສດຖະກິດ, ສັງຄົມ ເພື່ອຮອດປີ 2020 ຫວຽດນາມ ຈະກາຍເປັນປະເທດອຸດສາຫະກຳຕາມທິດທັນສະໄໝໂດຍພື້ນຖານ. ໃນໄລຍະສົງຄາມ, ນັກຮົບຕ້ອງນຳໜ້າການຕໍ່ສູ້ປົກປັກຮັກສາປະເທດຊາດ. ໃນສະໄໝສັນຕິພາບ, ພະນັກງານການຕ່າງປະເທດຕ້ອງນຳໜ້າໃນການສ້າງສັນຕິພາບ, ປົກປັກຮັກສາປະເທດຊາດ ແລະ ດຶງດູດແຫຼ່ງກຳລັງພັດທະນາມາໃຫ້ແກ່ປະເທດຊາດ.”