ນະຄອນ ຊາປາ
(ພາບປະກອບ)
|
(vovworld) - ໃນຊຸມວັນບຸນເຕັດ ປີລະກາ, ບັນດາສະຖານທີ່ທ່ອງທ່ຽວພົ້ນເດັ່ນຂອງແຂວງ ກາເມົາ ໄດ້ຕ້ອນຮັບຈຳນວນແຂກທ່ອງທ່ຽວເປັນຈຳນວນຫຼວງຫຼາຍ. ໃນ 4 ວັນ (ແຕ່ວັນທີ 30 ຫາ ວັນທີ 3 ຂອງບຸນເຕັດ ປີລະກາ), ສະຖານທີ່ທ່ອງທ່ຽວ ແຫຼມ ກາເມົາ ໄດ້ຕ້ອນຮັບຈຳນວນແຂກທ່ອງທ່ຽວ 30.000 ເທື່ອຄົນທີ່ມາຈາກທຸກໆແຂວງໃນທົ່ວປະເທດ ແລະ ແຂກທ່ອງທ່ຽວສາກົນ. ທ່ານ ເຈີ່ນຮ໋ຽວຮູ່ງ, ຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວແຂວງ ກາເມົາ ໃຫ້ຮູ້ວ່າ:
“ຄາດວ່າ, ບຸນເຕັດປີນີ້, ຈຳນວນແຂກທ່ອງທ່ຽວເພີ່ມຂຶ້ນປະມານ 30 -35% ເມື່ອທຽບໃສ່ປີກ່ອນ. ໃນປີກ່ອນ, ຫຼາຍສະຖານທີ່ໄດ້ຕ້ອນຮັບແຂກທ່ອງທ່ຽວແຕ່ 10 – 15 ພັນເທື່ອຄົນ, ປີນີ້ອາດຈະບັນລຸ 18 ພັນເທື່ອຄົນ. ແຫຼມກາເມົາ ອາດຈະເພີ່ມຂຶ້ນຫຼາຍກ່ວາແມ່ນ 30% ເມື່ອທຽບໃສ່ປີກ່ອນ. ຖ້າຫາກວ່າປີ 2016, ພວກຂ້າພະເຈົ້າໄດ້ຕ້ອນຮັບແຂກທ່ອງທ່ຽວ 1 ລ້ານເທື່ອຄົນ, ໃນໂອກາດບຸນເຕັດປີນີ້ ແລະ ໝົດປີ 2017 ນີ້ ພວກຂ້າພະເຈົ້າຈະພະຍາຍາມຕ້ອນຮັບ 1,5 ລ້ານເທື່ອຄົນ.”
ໃນ 3 ວັນຂອງບຸນເຕັດ (ວັນທີ 1, 2, 3 ຂອງບຸນເຕັດປີລະກາ 2017) ມີແຂກທ່ອງທ່ຽວປະມານ 7.000 ເທື່ອຄົນໄປທ່ອງທ່ຽວ ຊາປາ, ແຂວງ ລາວກາຍ, ໃນນັ້ນແຂກທ່ອງທ່ຽວສາກົນກວມ 70%.