(VOVWORLD) - ຕອນຄ່ຳວັນທີ 26 ມີນາ, ພະແນກວັດທະນະທຳ, ກິລາ ແລະ ທ່ອງທ່ຽວແຂວງ ເທື່ອທຽນເຫວ້ ໄດ້ສົມທົບກັບຄະນະກຳມະການປະຊາຊົນນະຄອນ ເຫວ້, ສະມາຄົມການທ່ອງທ່ຽວແຂວງ ເທື່ອທຽນເຫວ້ ຈັດ “ງານບຸນຕ້ອນຮັບລະດູຮ້ອນ ຢູ່ເຫວ້ ປີ 2023” ດ້ວຍລາຍການ Carnival ສີສັນການທ່ອງທ່ຽວຢູ່ນະຄອນ ເຫວ້.
 ບັນຍາກາດຂອງລາຍການ Carnival ຢູ່ຖະໜົນ ຮາຍບ່າຈຶງ (ພາບ: VOV) |
ລາຍການດັ່ງກ່າວໄດ້ເຕົ້າໂຮມຜູ້ແທນເກືອບ 300 ຄົນ ທີ່ມາຈາກວິສາຫະກິດທ່ອງທ່ຽວໃນບໍລິເວນແຂວງ, ນັກສຶກສາຢູ່ມະຫາວິທະຍາໄລແຫ່ງຕ່າງໆ, ນັກສິລະປິນມາສະແດງຊຸດອາພອນທີ່ເປັນເອກະລັກຂອງປະເທດຕ່າງໆ ເຊິ່ງເປັນຕະຫຼາດທ່ອງທ່ຽວຂອງແຂວງ ເທື່ອທຽນເຫວ້, ເປັນຕົ້ນແມ່ນ: ໄທ, ຍີ່ປຸ່ນ, ສ.ເກົາຫຼີ, ຝລັ່ງ, ອັງກິດ… ໄປຄຽງຄູ່ກັນນັ້ນ, ຍັງມີຊຸດອາພອນພື້ນເມືອງອີກດ້ວຍ. ທ່ານ ຫງວຽນວັນຝຸກ, ຫົວໜ້າພະແນກທ່ອງທ່ຽວແຂວງ ເທື່ອທຽນເຫວ້, ໃຫ້ຮູ້ວ່າ:
“Carnival ຕ້ອນຮັບລະດູຮ້ອນການທ່ອງທ່ຽວຢູ່ ເຫວ້, ແນະນຳເຖິງແຂກທ່ອງທ່ຽວ ແລະ ປະຊາຊົນທ້ອງຖິ່ນກ່ຽວກັບການເຄື່ອນໄຫວຕ່າງໆຂອງຂະແໜງທ່ອງທ່ຽວທີ່ຈະຈັດຂຶ້ນໃນປີ ເປັນຕົ້ນແມ່ນ ການແຫ່ຂະບວນຢູ່ຕາມທ້ອງຖະໜົນ, ສົມທົບກັບການເປີດສະຫຼອງຖະໜົນຍ່າງ ເພື່ອຊ່ວຍໃຫ້ນັກທ່ອງທ່ຽວມີພື້ນທີ່ໄດ້ແລກປ່ຽນກັບປະຊາຊົນທ້ອງຖິ່ນ ຫຼືວ່າ ແຂກທ່ອງທ່ຽວອື່ນໆ.”
ນອກຈາກງານບຸນດັ່ງກ່າວແລ້ວ, ຍັງມີຫຼາຍງານບຸນ ແລະ ລາຍການຕ່າງໆ ຈະໄດ້ຈັດຂຶ້ນ. ສິ່ງທີ່ໜ້າສົນໃຈແມ່ນ ງານບຸນບາລູນ “ເຫວ້ - ຄວາມງາມເມືອງຫຼວງເກົ່າແກ່”; ສັບປະດາອາຫານການກິນທ້ອງຖະໜົນ 2023; ເທດສະບານອາຫານການກິນ ແກ່ນດອກບົ່ວ ເຫວ້ ຈະໄດ້ຈັດຂຶ້ນໃນເດືອນເມສາ ແລະ ພຶດສະພາຈະມາເຖິງນີ້.