ພາບປະກອບ: AFP/TTXVN

ກ່າວຄຳເຫັນທີ່ສະພາຄວາມໝັ້ນຄົງ ສປຊ ໃນວັນທີ 22 ພຶດສະພາ, ຢູ່ນິວຢອກ, ອາເມລິກາ ທ່ານ Volker Perthes ປະກາດວ່າ ສະພາບການຂາດສະຖຽນລະພາບຢູ່ ຊູດັງ ພວມເຮັດໃຫ້ຄວາມສ່ຽງເກີດການປະທະກັນດ້ານເຊື້ອຊາດຜິວພັນ ນັບມື້ນັບເພີ່ມຂຶ້ນ ແລະ ອາດມີຄວາມສາມາດກໍ່ບັນດາຜົນກະທົບຢ່າງເລິກເຊິ່ງກວ້າງຂວາງໃນພາກພື້ນ.

ຂໍ້ສັງເກດດັ່ງກ່າວຂອງທ່ານ Volker Perthes ໄດ້ຍົກອອກມາ ກ່ອນ 2 – 3 ຊົ່ວມົງ ທີ່ເວລາຄຳສັ່ງຢຸດຍິງລະຫວ່າງບັນດາຝ່າຍເຂົ້າຮ່ວມການສົງຄາມຢູ່ ຊູດັງ ຈະເລີ່ມມີຜົນບັງຄັບໃຊ້ນັບແຕ່ວັນທີ 22 ພຶດສະພາ ແລະ ແກ່ຍາວເປັນເວລາ 1 ອາທິດ. ຕາມທ່ານ Volker Perthes ແລ້ວ, ມີບັນດາສັນຍານສະແດງໃຫ້ເຫັນວ່າການປະທະກັນພວມນາບຂູ່ເຖິງການແບ່ງແຍກປະເທດ ຊູດັງຕາມບັນດາເສັ້ນຊາຍແດນເຊື້ອຊາດຜິວພັນ ແລະ ວົງຄະນະຍາດ. ທ່ານ ຢັ້ງຢືນວ່າ ການປະທະກັນລະຫວ່າງກອງທັບຊູດັງ ແລະ ບັນດາກຳລັງໜູນຊ່ວຍສຸກເສີນ (RSF) ເຄິ່ງການທະຫານ ໄດ້ກາຍເປັນຄວາມເຄັ່ງຕຶງໃນວົງຄະນະຍາດ ຫຼື ກໍ່ໃຫ້ເກີດການປະທະກັນ ລະຫວ່າງບັນດາວົງຄະນະຍາດ.