ທ່ານ ຫງວຽນຊວນຟຸກ ພົບປະກັບຄະນະປະທານສະຫະພັນໃຫຍ່ແຮງງານ ຫວຽດນາມ

ກ່ຽວກັບໝາກຜົນແຫ່ງການປະຕິບັດກົດລະບຽບກ່ຽວກັບການພົວພັນວຽກງານລະຫວ່າງລັດຖະບານ ແລະ ສະຫະພັນໃຫຍ່ແຮງງານ ປີ 2016 – 2017, ທິດທາງສົມທົບກັນໃນປີ 2017 – 2018. ກ່າວຄຳເຫັນທີ່ການເຮັດວຽກ ທ່ານນາຍົກລັດຖະມົນຕີ ຫງວຽນຊວນຟຸກ ຕີລາຄາສູງສະຫະພັນໃຫຍ່ແຮງງານ ຫວຽດນາມ ປະຕິບັດການເຄື່ອນໄຫວແທດຈິງຫລາຍຢ່າງ. ທ່ານນາຍົກລັດຖະມົນຕີກໍ່ໃຫ້ຮູ້ວ່າ: ລັດຖະບານ, ນາຍົກລັດຖະມົນຕີຍາມໃດກໍ່ເອົາໃຈໃສ່ເປັນພິເສດເຖິງຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງກຳມະກອນ, ຜູ້ອອກແຮງງານ. ທ່ານນາຍົກລັດຖະມົນຕີ ສະເໜີສະຫະພັນໃຫຍ່ແຮງງານສືບຕໍ່ເຂົ້າຮ່ວມກໍ່ສ້າງລະບອບລະບຽບການ, ເປັນເຈົ້າການປະກອບຄຳເຫັນກໍ່ສ້າງ ແລະ ເຜີຍແຜ່ຄວາມຮູ້ດ້ານກົດໝາຍ, ກົນໄກທີ່ກ່ຽວຂ້ອງເຖິງລະບອບຂອງຜູ້ອອກແຮງງານ, ຮັບປະກັນຊີວິດການເປັນຢູ່ ແລະ ສິດຜົນປະໂຫຍດໃຫ້ກຳມະກອນ, ຜູ້ອອກແຮງງານ.