(ປະທານຄະນະກຳມະການສູນກາງແນວໂຮມປະເທດຊາດຫວຽດນາມ
ຫງວຽນທ້ຽນເຍິນ ອວຍພອນວັນບຸນ ຄຼິດສະມາດ ຢູ່ແຂວງ ກອນຕຸມ)
(vovworld) - ເນື່ອງໃນໂອກາດວັນບຸນຄຼິດສະມາດ 2015, ວັນທີ 23/12, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍິນ ແລະ ຜູ້ປະຈຳການຄະນະຊີ້ນຳເຂດ ໄຕງວຽນ, ການນຳແຂວງ ກອນຕຸມ ໄດ້ລົງຢ້ຽມຢາມ, ອວຍພອນວັນບຸນ ຄຼິດສະມາດ ຢູ່ແຂວງ ກອນຕຸມ. ຢູ່ທີ່ສຳນັກສັງຄະລາດ ກອນຕຸມ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍິນ ອວຍພອນສັງຄະນາຍົກ, ສຳນັກສັງຄະລາດ ກອນຕຸມ ຫງວຽນຮຸ່ງວິ ພ້ອມກັບປະຊາຊົນຊາວຄິດ ກອນຕຸມ ໄດ້ຕ້ອນຮັບບຸນ ຄຼິດສະມາດໃນຄວາມສັນຕິສຸກ ແລະ ຫວັງວ່າຊາວຄິດຫວຽດນາມແຕ່ລະຄົນ ຈະເປັນພົນລະເມືອງທີ່ດີ, ຮັກຊາດ, ມີຄວາມຮັບຜິດຊອບ, ພ້ອມກັບປະເທດສ້າງສາ ແລະ ພັດທະນາປະເທດຊາດ.
ຕອນເຊົ້າວັນທີ 23/12, ກຳມະການກົມການເມືອງ, ຜູ້ປະຈຳການຄະນະເລຂາທິການ ເລຮົ່ງແອງ ໄດ້ລົງຢ້ຽມຢາມ, ສະມາຄົມຄິດທະສາສະໜາ ຮ່າໂນ້ຍ ແລະ ພະຄາດິນັນ, ສັງຄະນາຍົກ ຫງວຽນວັນເຍີນ, ສຳນັກສະມາຄົມໂປແຕສຕັງ ຫວຽດນາມ (ພາກເໜືອ) ແລະ ຫຼວງພໍ່ ຫົວໜ້າສະມາຄົມ ຫງວຽນຮື້ວໝາກ. ຢູ່ສຳນັກສະມາຄົມ ໂປແຕສຕັງ ຫວຽດນາມ (ພາກເໜືອ), ທ່ານ ເລຮົ່ງແອງ ຢືນຢັນວ່າ, ບັນດາຜົນງານຂອງປະເທດໃນປີ 2015 ແມ່ນມີການປະກອບສ່ວນຂອງຊາວ ໂປແຕສຕັງ, ບັນດາຫຼວງພໍ່, ສາສະນິກະຊົນ. ທ່ານ ເລຮົ່ງແອງ ສະແດງຄວາມເຊື່ອໝັ້ນວ່າ, ໃນໄລຍະຈະມາເຖິງ, ຫຼວງພໍ່, ຫົວໜ້າສະມາຄົມ ແລະ ບັນດາຫຼວງພໍ່ຈະສືບຕໍ່ຊີ້ນຳ, ນຳພາ, ປຸກລະດົມຜູ້ມີຍົດຖາບັນດາສັກ, ແລະຜູ້ເຊື່ອຖືສາສະໜາໂປແຕສຕັງ ທຸກຄົນ ເສີມຂະຫຍາຍມູນເຊື້ອຮັກຊາດ, ສະໜິດຕິດພັນ, ຮ່ວມເດີນທາງພ້ອມກັບປະເທດ, ປະກອບສ່ວນຢ່າງແທດຈິງເຂົ້າໃນພາລະກິດກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ.
ໃນຕອນເຊົ້າຂອງວັນດຽວກັນ, ການນຳນະຄອນ ໂຮ່ຈີມິນ, ໂດຍທ່ານ ຫວໍວັນເຖືອງ, ກຳມະການສູນກາງພັກ, ຮອງເລຂາຜູ້ປະຈຳການຄະນະພັກນະຄອນນຳໜ້າ ໄດ້ໄປຢ້ຽມຢາມຄະນະກຳມະການສາມັກຄີສາສະໜາຄິດນະຄອນ, ສຳນັກສັງຄະລາດນະຄອນ ແລະ ສຳນັກສະມາຄົມໂປແຕສຕັງຫວຽດນາມ (ພາກໃຕ້). ຕາງໜ້າປະຊາຊົນຊາວຄິດນະຄອນ, ຄຸນພໍ່ ຟານຄັກຕື່, ຮອງປະທານຄະນະກຳມະການສາມັກຄີຊາວຄິດຫວຽດນາມ, ຮອງປະທານຜູ້ປະຈຳການຄະນະກຳມະການສາມັກຄີຊາວຄິດນະຄອນ ໂຮ່ຈີມິນ, ໃຫ້ຮູ້ວ່າ:
“ຂະບວນການແຂ່ງຂັນຮັກຊາດຂອງຊາວຄິດນະຄອນ ຍາມໃດກໍ່ມີທີ່ຕັ້ງສຳຄັນໃນຂະບວນການລວມຂອງທົ່ວປະເທດ, ສ້າງການພົວພັນອັນສະໜິດແໜ້ນລະຫວ່າງສາສະໜາ - ຊີວິດການເປັນຢູ່. ພວກຂ້າພະເຈົ້າເຊື່ອໝັ້ນວ່າຈະຊຸກຍູ້ຂະບວນການແຂ່ງຂັນຮັກຊາດໃນໝູ່ຊາວຄິດກວ່າອີກ ເພື່ອສົມເປັນນະຄອນທີ່ມີຜົນງານ, ຂໍ້ລິເລີ່ມ, ມີຄວາມມານະພະຍາຍາມຫຼາຍຢ່າງເພື່ອສ້າງເປັນຄັນທຸງແຂ່ງຂັນຮັກຊາດຢ່າງແຮງ, ເຂົ້າຮ່ວມຂະບວນການລວມຂອງນະຄອນ ກໍ່ຄືຂອງທົ່ວປະເທດ“.
ໃນວັນດຽວກັນ, ຄະນະກຳມະການແນວໂຮມປະເທດຊາດຫວຽດນາມນະຄອນດ່ານັ້ງ ກໍ່ໄປຢ້ຽມຢາມ ແລະ ມອບຂອງຂວັນໃຫ້ອົງການຄິດທະສາສະໜາ, ໂປແຕສຕັງບາງແຫ່ງ, ພ້ອມກັບບັນດາຄອບຄົວສາສະໜາຄິດທີ່ມີຄຸນງາມຄວາມດີຕໍ່ການປະຕິວັດ.