ທີ່ການຕ້ອນຮັບ, ທ່ານ ເລແທງລຽມ ເນັ້ນໜັກວ່າ, ບົດບັນທຶກຊ່ວຍຈຳລະຫວ່າງຫ້ອງການການຄ້າ ແລະ ອຸດສາຫະກຳຫວຽດນາມ ແລະ ຫ້ອງການການຄ້າເຂດແຄ້ວນອົດສະຕາລີເໜືອ ທີ່ຫາກໍ່ໄດ້ຮັບການລົງນາມນັ້ນ ຈະປະກອບສ່ວນຊຸກຍູ້ການພົວພັນດ້ານເສດຖະກິດ, ການຄ້າລະຫວ່າງຫວຽດນາມ - ເຂດແຄ້ວນອົດສະຕາລີເໜືອ ເວົ້າລວມ, ລະຫວ່າງນະຄອນໂຮ່ຈິມິນ ກັບ ເຂດແຄ້ວນອົດສະຕາລີເໜືອ ເວົ້າສະເພາະ. ນອກນັ້ນ, ນະຄອນໂຮ່ຈິມິນ ປາດຖະໜາວ່າ ເຂດແຄ້ວນອົດສະຕາລີເໜືອ ຈະແບ່ງປັນບົດຮຽນໃນຂົງເຂດກະສິກຳເຕັກໂນໂລຊີສູງ ແລະ ສ້າງເງື່ອນໄຂໃຫ້ຜະລິດຕະພັນກະເສດຂອງນະຄອນເຂົ້າຮ່ວມຕະຫຼາດຜະລິດຕະພັນກະເສດຂອງອົດສະຕາລີ.

        ສ່ວນທ່ານ Michael Gunner ໃຫ້ຮູ້ວ່າ, ເຂດແຄ້ວນອົດສະຕາລີເໜືອຕີລາຄາສູງຄວາມສາມາດບົ່ມຊ້ອນໃນການພັດທະນາຂອງຫວຽດນາມ ແລະ ພວມມານະພະຍາຍາມຊຸກຍູ້ການພົວພັນຮ່ວມມືກັບຫວຽດນາມໃນບັນດາຂົງເຂດເສດຖະກິດ, ການສຶກສາ, ທ່ອງທ່ຽວ ແລະ ການທູດປະຊາຊົນ.