ການນຳບັນດາກະຊວງ, ຂະແໜງການ, ທ້ອງຖິ່ນຕ່າງໆຢື້ນຢາມຖາມຂ່າວ, ມອບຂອງຂວັນບຸນເຕັດປີຊວດ
(VOVWORLD) - ທ່ານ ຫງວຽນທ້ຽນເຍິນ, ເລຂາຄະນະພັກນະຄອນໂຮ່ຈີມິນ ລົງຢ້ຽມຢາມຖາມຂ່າວ, ມອບຂອງຂວັນໃຫ້ແກ່ບັນດາຄອບຄົວເປົ້າໝາຍນະໂຍບາຍດີເດັ່ນ, ຄອບຄົວປະສົບກັບຄວາມຫຍຸ້ງຍາກ ແລະ ຄອບຄົວທຸກຍາກຢູ່ແຂວງ ດັ໊ກລັ໊ກ.
(ທ່ານ ຫງວຽນທ້ຽນເຍິນ, ມອບຂອງຂວັນໃຫ້ແກ່ບັນດາຄອບຄົວເປົ້າໝາຍນະໂຍບາຍ)
|
ວັນທີ 19 ມັງກອນ, ທ່ານ ຫງວຽນທ້ຽນເຍິນ, ເລຂາຄະນະພັກນະຄອນໂຮ່ຈີມິນ ໄດ້ລົງເຮັດວຽກກັບຄະນະປະຈຳພັກແຂວງ ກວາງນາມ ກ່ຽວກັບວຽກງານຮັບປະກັນການໜູນຊ່ວຍສັງຄົມ; ລົງຢ້ຽມຢາມຖາມຂ່າວ, ມອບຂອງຂວັນໃຫ້ແກ່ບັນດາຄອບຄົວເປົ້າໝາຍນະໂຍບາຍດີເດັ່ນ, ຄອບຄົວປະສົບກັບຄວາມຫຍຸ້ງຍາກ ແລະ ຄອບຄົວທຸກຍາກຢູ່ແຂວງ ດັ໊ກລັ໊ກ.
ແລະກໍ່ໃນວັນດຽວກັນ, ທ່ານເລຂາຄະນະພັກແຂວງ ແລະ ທ່ານປະທານຄະນະກຳມະການປະຊາຊົນແຂວງດັ໊ກລັ໊ກ ໄດ້ລົງໄປຢ້ຽມຢາມ ແລະ ມອບຂອງຂວັນບຸນເຕັດໃຫ້ບັນດາຄົນເຈັບທຸກຍາກທີ່ພວມປິ່ນປົວພະຍາດຢູ່ໂຮງໝໍຫຼາຍຂະແໜງຢູ່ເຂດໄຕງວຽນ. ໃນຊຸມມື້ຜ່ານມາ, ບັນດາຄະນະປະຕິບັດງານຂອງແຂວງດັ໊ກລັ໊ກ ກໍ່ໄດ້ໄປມອບຂອງຂວັນນັບພັນໆພູດໃຫ້ບັນດາຕາແສງຢູ່ເຂດຫ່າງໄກສອກຫຼີກ ຕົກເປັນມູນຄ່ານັບສິບໆຕື້ດົ່ງ.
ວັນທີ 19 ມັງກອນ, ທ່ານລັດຖະມົນຕີກະຊວງການເງິນຫວຽດນາມ ດິງຕ໊ຽນຢຸງ ກໍ່ໄດ້ລົງຢ້ຽມຢາມ ແລະ ມອບຂອງຂວັນ ຢູ່ແຂວງນິງບິ່ງ.