ການນຳບັນດາປະເທດໄດ້ສ່ົງສານອວຍພອນເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນຊາດ ຫວຽດນາມ
(VOVWORLD) -ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນຊາດ ຫວຽດນາມ (ຄືວັນທີ 2 ກັນຍາ 1945 – 2 ກັນຍາ 2020), ການນຳບັນດາປະເທດຄື: ບຣູໄນ, ເຢຍລະມັນ, ອານເຊຣີ, ອາຣັບບິ ຊາອຸດິ, ໂຮນລັງ, ຊູແອັດ, ເຊັກໂກ, ຊຳບີ, ອາຟຼິກກາໃຕ້, ໂມຊຳບິກ, ຈໍແດນ, ນິກາຣາກວາ, ປາກິດສະຖານ, ປານາມາ, ປາແລັດສະຕິນ, ໂປໂລຍ, ບຸນກາຣີ ໄດ້ສົ່ງສານອວຍພອນມາຍັງການນຳພັກ, ລັດ ຫວຽດນາມ.
|
 ສະເຫຼີມສະຫຼອງ 75 ປີແຫ່ງວັນຊາດ ຫວຽດນາມ (ຄືວັນທີ 2 ກັນຍາ 1945 – 2 ກັນຍາ 2020)
(ພາບ: baoquocte.vn)
|
ໃນສານອວຍພອນສະບັບຕ່າງໆ, ການນຳບັນດາປະເທດໄດ້ຕີລາຄາສູງຕໍ່ການພັດທະນາຢ່າງຕັ້ງໜ້າຂອງການພົວພັນສອງຝ່າຍລະຫວ່າງ ຫວຽດນາມກັບບັນດາປະເທດໃນທຸກຂັ້ນ, ຢັ້ງຢຶນຄວາມປາດຖະໜາຢາກສືບຕໍ່ເພີ່ມທະວີການພົວພັນຄູ່ຮ່ວມມືຮອບດ້ານ ແລະ ເປີດກ້ວາງການຮ່ວມມືອອກສູ່ບັນດາຂົງເຂດໃໝ່, ເພື່ອຜົນປະໂຫຍດຂອງປະຊາຊົນ ຫວຽດນາມ ກັບປະຊາຊົນບັນດາປະເທດ, ກໍ່ຄື ສັນຕິພາບ, ສະຖຽນລະພາບ ແລະ ວັດທະນາຖາວອນ ລວມຂອງພາກພື້ນ.