ທ່ານ ດິງເທ໋ຮິງ ໄດ້ລົງຢ້ຽມຢາມໂຮງໝໍບາງແຫ່ງຢູ່ ຮ່າໂນ້ຍ
(ພາບ: Dương Ngọc/TTXVN)
(vovworld) - ຕອນເຊົ້າວັນທີ 25/2, ທ່ານ ດິງເທ໋ຮິງ, ກຳມະການກົມການເມືອງ, ເລຂາສູນກາງພັກກອມມູນິດ ຫວຽດນາມ, ຫົວໜ້າຄະນະໂຄສະນາສຶກສາສູນກາງ, ໄດ້ລົງຢ້ຽມຢາມໂຮງໝໍບາງແຫ່ງຢູ່ ຮ່າໂນ້ຍ ແລະ ອວຍພອນບັນດາທ່ານໝໍ ເນື່ອງໃນໂອກາດວັນແພດໝໍ ຫວຽດນາມ 27/2. ເມື່ອລົງຢ້ຽມຢາມ ໂຮງໝໍ ຫວຽດ - ດຶກ, ທ່ານ ດິງເທ໋ຮິງ ຫວັງວ່າ: ໂຮງໝໍ ຫວຽດ - ດຶກ ສືບຕໍ່ຍົກສູງຄຸນນະພາບວິຊາຊີບ, ຮັບໃຊ້ຄົນເຈັບດີກ່ວາອີກ. ທ່ານກ່າວວ່າ:
“ຂ້າພະເຈົ້າສະເໜີວ່າ ໃນເງື່ອນໄຂປະເທດຊາດມີຄວາມຫຍຸ້ງຍາກຫຼາຍ, ພວກເຮົາສືບຕໍ່ເສີມຂະຫຍາຍຜົນງານທີ່ບັນລຸໄດ້, ເສີມຂະຫຍາຍມູນເຊື້ອສະຫງ່າງາມຂອງ ໂຮງໝໍ ຫວຽດ - ດຶກ. ຖັນແຖວທ່ານໝໍ ສູ້ຊົນເພື່ອມີລະດັບວິຊາຊີບສູງ ມີຈັນຍາບັນດ້ານວິຊາຊີບ ເພື່ອປິວປົ່ວພະຍາດໃຫ້ຄົນເຈັບ”
ເມື່ອລົງຢ້ຽມຢາມ ໂຮງໝໍການແພດພື້ນເມືອງ ສູນກາງ, ທ່ານ ດິງເທ໋ຮິງ ຊີ້ແຈງວ່າ: ໂຮງໝໍຄວນສືບທອດ, ເສີມຂະຫຍາຍບັນດາວິທີປິນປົ່ວແບບພື້ນເມືອງຂອງຊາດ, ຊອກຫາ ຄົ້ນຄ້ວາຢ່າພື້ນເມືອງຊິນິດໃໝ່ ແລະ ສົມທົບເປັນຢ່າງດີລະຫວ່າງການແພດພື້ນເມືອງ ແລະ ການແພດທັນສະໄໝໃນການກວດ, ປິນປົ່ວພະຍາດ.