(vovworld) - ວັນ​ທີ 30/11, ​ຢູ່ນອກກອງ​ປະ​ຊຸມ COP 21, ເຊິ່ງ​ດຳ​ເນີນຢ​ູ່​ນະ​ຄອນ​ຫຼວງ​ປາ​ຣີ, ປະ​ເທດ​ຝ​ລັ່ງ. ປະ​ທານ​າ​ທິ​ບໍ​ດີ​ອາ​ເມ​ລິ​ກາ Barack Obama ໄດ້​ມີ​ການ​ພົບ​ປະ​ລັບ​ທີ່​ແກ່​ຍາວ​ເປັນ​ເວ​ລາ 30 ນາ​ທີ່​ກັບ​ຄູ​ຮ່ວມ​ຕຳ​ແໜ່ງ​ລັດ​ເຊຍ Vladimir Putin, ປ​ຶກ​ສາ​ຫາ​ລື​ກ່ຽວ​ກັບ​ວິ​ກິດ​ການ​ຢູ່​ຊີ​ຣີ ກໍ​ຄື​ສະ​ພາບ​ການ​ຢູ່​ຢູ​ແກຼນ. ໂຄ​ສົກ​ວັງ Kremlin, ທ່ານ Dmitry Peskoc, ໃຫ້​ຮູ້​ວ່າ, ໃນ​ການ​ເຈ​ລ​ະ​ຈາ, ປະ​ທາ​ນາ​ທິ​ບໍ​ດີ Obama ສະ​ແດງ​ຄວາມ​ເສຍ​ດາຍ​ພາຍ​ຫຼັງ​ເຫດ​ເຮືອ​ບິນ​ສູ້​ຮົບ F 16 ຂອງ​ຕວກ​ກີ ຍິງ​ເຮືອ​ບິນ​ຖິ້ມ​ລະ​ເບີດ Su 24 ຂອງ​ລັດ​ເຊຍ ຕົກ ໃນ​ຂະ​ນະ​ທີ່​ພວມບ​ຸກ​ໂ​ຈມ​ຕີ​​ບັນ​ດາ​ເປົ້າ​ໝາຍ​​ຂອງກຸ່ມ​ລັດ​ອິດ​ສະ​ລາມ (IS) ອ້າງ​ຊື່​ເອງ ເມື່ອ​ວັນ​ທີ 24/11 ຜ່ານ​ມາ. ກາ​ນ​ນຳ 2 ທ່ານ​ໄດ້​ແລກ​ປ່ຽນ​ກ່ຽວ​ກັບ​ບັນ​ດາ​ຄວາມ​ມາ​ນະ​ພະ​ຍາ​ຍາມ​ຊອກ​ຫາ​ມາດ​ຕະ​ການ​ດ້ານ​ການ​ເມືອງ​ໃຫ້​ວິ​ກິດ​ການ​ຢູ່​ຊີ​ຣີ. ໃນ​ຂະ​ນະ​ນັ້ນ, ເ​ຈົ້າ​ໜ້າ​ທີ່​ທຳ​ນຽບ​ຂາວ​ທ່ານ​ໜຶ່ງ​ໃຫ້​ຮູ້​ວ່າ, ປະ​ທານ​າ​ທິ​ບໍ​ດີ Obama ໄດ້​ເນັ້ນ​ໜັກ​ວ່າ, ປະ​ທານາ​ທິ​ບໍ​ດີ​ຊີ​ຣີ ປະ​ລະ​ສິດ​ອຳ​ນາດ​ແມ່ນ​ພາກ​ສ່ວນ​ໜຶ່ງ​ຂອງວິ​ວັດ​ການ​ຂ້າມ​ຜ່ານ​ດ້ານ​ການ​ເມືອງ​ຢູ່​ປະ​ເທດ​ຕາ​ເວັນ​ອອກ​ກາງນີ້. ​ເມື່ອເຕື້ອງ​ເຖິງວິ​ກິດ​ການ​ຢູ່ຢ​ູແກຼນ, ການ​ນຳ 2 ທ່ານ​ເຫັນ​ດີ​ນຳ​ກັນ​ວ່າ ບັນ​ດາ​ຝ່າຍ​ປະ​ທະ​ກັນ ຕ້ອງ​ປະ​ຕ​ິ​ບັດ​ຕາມ​ບັນ​ດາ​​ມາດ​ຕາ​ໃນ​ຂໍ​້​ຕົກ​ລົງ​ສັນ​ຕິ​ພາບ Minsk ຢ່າງ​ເຂັ້ມ​ງວດ.