ການນຳສະພາສູງ ອາເມລິກາ ຮຽກຮ້ອງເບີກຈ່າຍ 8,5 ຕື້ USD ດ່ວນເພື່ອຮັບມືກັບ Covid-19
(VOVWORLD) - ວັນທີ 26 ກຸມພາ, ການນຳຝ່າຍສ່ວນໜ້ອຍຢູ່ສະພາສູງ ອາເມລິກາ, ທ່ານ Chuck Schumer ໄດ້ຮຽກຮ້ອງໃຫ້ສະພາແຫ່ງຊາດ ອາເມລິກາ ອະນຸມັດຜ່ານງົບປະມານ 8,5 ຕື້ USD ດ່ວນເພື່ອຮັບມືກັບໂລກລະບາດ Covid-19.
 ທ່ານ Chuck Schumer , ການນຳຝ່າຍສ່ວນໜ້ອຍຢູ່ສະພາສູງ ອາເມລິກາ (ພາບ: CNBC) |
ທຳນຽບຫ້າແຈໃຫ້ຮູ້ວ່າ: ພວມພິຈາລະນາອາດຈະຕ້ອງການງົບປະມານເພີ່ມເຕີມ ເພື່ອຮັບມືກັບການແຜ່ລະບາດຂອງໄວຣັດ SARS-CoV2 ພາຍຫລັງມີແຫຼ່ງຂ່າວກ່ຽວກັບພົນທະຫານ ອາເມລິກາ ຢູ່ ສ.ເກົາຫຼີ ຕິດໄວຣັດດັ່ງກ່າວ.
ໃນຂະນະນັ້ນ, ມະຫາວິທະຍາໄລ ອາເມລິກາ ຫລາຍແຫ່ງໄດ້ໂຈະການຮ່ຳຮຽນຢູ່ບັນດາປະເທດອື່ນຄື: ອີຕາລີ, ຈີນ ແລະ ສ.ເກົາຫຼີ ໃນສະພາບໄວຣັດ SARS-CoV2 ພວມແຜ່ລະບາດໂດຍໄວ.